2 TUPU 23 - Tuvalu Revised Bible

Ko Fakagata ne Iosia a Tapuakiga Fapau'pau(2NTupu 34.3-7,29-33)

1Ne fakamaopoopo ne Iosia a takitaki katoa o Ielusalema mo Iuta,

2olo atu ei mo ia ki te Faletapu. Ne olo tasi atu foki latou mo faitaulaga mo pelofeta mo te fenua katoa, tino mau'mea mo tino ma'tiva. Ne faitau ne te tupu ki a latou a muna katoa i loto i te tusi o te feagaiga tela ne maua i te Faletapu.

3Ne tu a ia i tafa o te pou o tupu kae fai tena feagaiga ki te Aliki i a ia ka fakalogo faeloa ki a ia, o tausi ki ana tulafono mo fakatonuga mo tena loto mo tena agaga katoa, kae tautali foki a ia i mea e tusi i te tusi tenei. Tena ne tauto foki a tino katoa ke tausi latou ki te feagaiga.

4 I luga i fata-fai-taulaga fapau'pau i loto i fa'kai o Iuta, pela foki i kogā koga i tafa o Ielusalema. Ko faitaulaga katoa kola e ofo taulaga ki a Paala, ki te la, ki te masina, ki paneta, mo fetū, ne ave katoa keatea.

6Ne ave keatea ne ia mai te Faletapu a te fakatusa o te atua fafine ko Asaila; ne ave ne ia ki te vanu o Kitilona i tua o te fa'kai, sunu ne ia, tukituki ne ia ke liu lefu, kae fakatatela'tela atu ne ia i luga i te laukele e tanu ei a tino.

7Ne ofa ne ia a potu i loto i te Faletapu kola e nofo ei a fafine tali tagata mo tagata tali fafine o te faletapu. Ko potu kona e faite sale ei ne fafine a gatu 'loa kola e fakaaoga i tapuakiga ki a Asaila.

8Ne aumai ne ia ki Ielusalema a faitaulaga kola ne nofo i fa'kai o Iuta, kae fakaseaoga ne ia a fata-fai-taulaga i loto i te fenua kola e ofo taulaga sale ei latou. Ne ofa foki ne ia a fata-fai-taulaga kola ko oti ne fakatapu ki te atua o kouti, kola e tu i tafa o te mataloa o te fa'kai tela ne faite ne Iosua, te kovana o te fa'kai, tela e tu i te feitu fakamaui o te mataloa lasi o te fa'kai manafai e ulu atu tino ki loto i te fa'kai.

9A faitaulaga kona ko se talia ke galue i te Faletapu, kae e mafai ne latou o 'kai ki falaoa se palu ki te mea faka'fete kola ne faite ma olotou taina faitaulaga.

10

14Ne ofa likiliki ne Iosia a pou fatu, pela foki mo fakatusa kola ne fakatapu ki te atua fafine ko Asaila, kae fola ei ne ia te laukele tena ne tu i ei ki ivi o tino.

15 kae tuki ne ia ke liu one; kae sunu foki ne ia a te fakatusa o Asaila.

161Tupu 13.2 Ne kilo aka Iosia pela, matea ei ne ia a tanuga i luga i te koga maluga; ne aumai ne ia a ivi mai loto i tanuga kona o sunu i luga i te fata-fai-taulaga. I te faiga tena ko fakaseaoga ne ia a te fata-fai-taulaga, ko taunu ei a te valoaga a te pelofeta ne fai i aso mua, i te taimi o te kaiga fiafia ka ko Ielopoamo e tu i tafa o te fata-fai-taulaga. Ne kilo aka Iosia pela, lavea ei ne ia a te tanuga o te pelofeta tela ne fai ne ia a te valoaga tena.

171Tupu 13.30-32 Ne fesili aka Iosia penei, “E oi te tanuga tenei?”

Ne tali mai a tino o Peteli penei, “Ko te tanuga o te pelofeta tela ne vau mai i Iuta kae ne valo ne ia a mea kona ko oti ne fai ne koe ki te fata-fai-taulaga tenei.”

18Muna a Iosia, “Sa fakagasuegina te tanuga tena. A ivi o ia ke sa fakagasuegina.”

Tena, ne seki fakagalue'sue ei ona ivi, e pena foki a ivi o te pelofeta tela ne vau mai Samalia.

19Ne ofa ne te Tupu ko Iosia a koga tapuaki fapau'pau katoa kola ne faite ne tupu o Isalaelu, kola ne fakaoso ne latou te kaitaua o te Aliki. A te faiga a ia ne fai ki fata-fai-taulaga kona, e pela eiloa mo tena mea ne fai i Peteli.

20Ne tamate katoa ne ia a faitaulaga fapau'pau katoa i luga i fata-fai-taulaga kola e tavini latou i ei, kae ne sunu foki ne ia a ivi o tino i luga i fata-fai-taulaga katoa. Tena, foki atu ei a ia ki Ielusalema.

Ko Fakamanatu ne Iosia a te Paseka(2NTupu 35.1-19)

21Ne fai te fakatonuga a te Tupu ko Iosia ki tino ke fakamanatu te Paseka e fakaaloalo ei te Aliki te lotou Atua, e pela eiloa mo te mea e tusi i te tusi o te feagaiga.

22E seki ai eiloa se Paseka penei kai fakamanatu ne se tupu o Isalaelu io me se tupu o Iuta talu mai te taimi ne takitaki ei ne famasino a te malō.

23Tela la, nei, i te sefuluvalu o tausaga o te nofoaiga a Iosia, ne fakamanatu ei te Paseka i Ielusalema.

Ko Nisi 'Fuliga ne Fai ne Iosia

24Ne ave keatea ne Iosia mai Ielusalema mo Iuta katoa a tino faka'tu agaga mo tino poto i fakamatala o mea e 'tupu i aso fakamuli, pela foki mo atua i fale o tino, mo tupua, mo nisi mea fapau'pau kola e tapuaki ki ei a tino. I te faiga tena ko fakamalosia ei a tulafono katoa kola e tusi i loto i te tusi tela ne maua ne te Faitaulaga sili ko Hilikia i loto i te Faletapu.

25E seki ai eiloa se tupu mai mua e pau mo Iosia tela ne tavini atu ki te Aliki mo tena loto katoa, mo tena mafaufau katoa mo tena malosi katoa, kae tausi foki ki Tulafono katoa a Mose.

26A te kaitaua o te Aliki ki Iuta ko oko eiloa i te lasi, mai luga eiloa o amioga a te Tupu ko Manase ne fai, tela la, a te kaitaua o te Aliki e tumau eiloa.

27Muna a te Aliki, “A te mea ne fai ne au ki a Isalaelu ka toe fai ne au ki Iuta; ka fakata'fea ne au a tino o Iuta mai oku mua, kae ka se toe fiafia a au ki Ielusalema, te fa'kai ne filifilia ne au, pela foki te Faletapu, te koga ne fai atu ei au me ko te koga e tau o tapuaki mai ei koutou ki a au.”

Ko te Gataga o te Nofoaiga a Iosia(2NTupu 35.20—36.1)

28A nisi tala e uiga ki te Tupu ko Iosia e fakamau katoa i te tusi o Te Tala Tuku Fakasolo o Tupu o Iuta.

29I te taimi o te nofoaiga a Iosia, ka ko te tupu o Aikupito ko Neko ne fanatu mo tena kautau ki te Vaitafe o te Eufilate o fesoasoani ki te tupu o Asulia. A te Tupu ko Iosia ne taumafai o teke atu te kautau a Aikupito i Mekito, kae ne mate a ia i te taua a latou i kona.

30Ne tuku atu ne ofisa tena foitino ki luga i te kaliota, ave ei ne latou ki Ielusalema o tanu i te tanuga o tupu.

Ne fili ne tino Iuta a Ioasi, te tama tagata a Iosia, kae faū ne latou ke fai mo tupu.

Ko Ioasi te Tupu o Iuta(2NTupu 36.2-4)

31A Ioasi ko tusa mo te luasefulu tolu ona tausaga kae fai a ia mo tupu o Iuta, kae ne tupu a ia i Ielusalema i masina e tolu. A tena matua ko Amutala, te tama fafine a Ielemia, te tagata mai te fa'kai o Lipina.

32Ne agasala a ia ki te Aliki, me ne tautali eiloa a ia i amioga a ona tupuga.

33Ne gata tena nofoaiga i te taimi ne puke fakapagota ei a ia ne te Tupu o Aikupito ko Neko i te fa'kai o Lipila, i te fenua o Hamata, kae fai ne ia Iuta ke togi atu e tolu afe faselau kilokalame o siliva kae tolusefulu fa kilokalame o aulo ke fai mo lafoga a latou.

34Iele 22.11,12 Ne fakasopo ne te Tupu ko Neko a te tama tagata a Iosia ko Eliakimo ke fai mo tupu o Iuta o sui a Iosia, kae fuli ne ia tena igoa ki a Ieoiakimo. A Ioasi ne ave ki Aikupito ne te Tupu ko Neko, mate atu eiloa a ia i kona.

Ko Ieoiakimo te Tupu o Iuta(2NTupu 36.5-8)

35Ne 'tae mai ne te Tupu ko Ieoiakimo a lafoga mai i tino, e fua eiloa ki te mea e maua ne latou, ke lava te aofaki tupe e tau o togi atu a te mea e manako mai ki ei te tupu o Aikupito.

36 Iele 22.18,19; 26.1-6; 35.1-19 A Ieoiakimo ko luasefulu lima ona tausaga i te taimi ne fai ei mo tupu o Iuta, kae ne tupu a ia i Ielusalema i tausaga e sefulu tasi. A tena matua ko Sepita, te tama fafine a Petaia mai i te fa'kai o Lama.

37A Ieoiakimo ne agasala ki te Aliki, me ne tautali i amioga a ona tupuga.