1A te aso tenei ko te po sefulu o te lima o masina i te fitu o tausaga o matou i te tafeaga. E isi ne takitaki o te kau Isalaelu ne o'mai o fesili mai ki a au e uiga ki te loto o te Aliki, tena ne sagasaga mai i ei i oku mua.
2Tena, kae faipati mai te Aliki ki a au,
3ana muna, “Te tagata ola, fai atu ki tagata kona i te Aliki Sili e fai mai penei: A koutou ne o'mai o fesili mai e uiga ki toku loto, ne? Au ko te Atua ola, e se manako au ke o'mai koutou o fesili mai e uiga ki so se mea. Ko au, te Aliki Sili, tena ne faipati atu.
4“Te tagata ola, e a, ko toka tau ikuga e uiga ki a latou? Na fai nei sau ikuga. Fakamasaua atu ki a latou a mea mataga kola ne fai ne olotou tamana.
5 talu mai te taimi tena.
30Fai atu ki tino Isalaelu a muna a te Aliki Sili konei: Ai a e fai ei ne koutou a agasala kola ne fai foki ne otou tamana, kae tele i tua o olotou tupua?
31Ke oko mai eiloa ki te aso nei, e ofo atu foki eiloa ne koutou a meaalofa pela eiloa mo meaalofa a otou tamana, kae fakalailai foki otou foitino ki tupua foki pela mo olotou tupua, o sunu otou tamaliki o fai mo taulaga ki tupua kona. Kae e o'mai faeloa koutou o fesili me se a toku loto! E pela eiloa mo te iloa tonu i a au, te Aliki Sili, ko te Atua ola, e iloa tonu foki me e se manako au ke o'mai koutou o fesili mai e uiga ki so se mea.
32Ko oti ne iku i otou mafaufau i a koutou e manako ke fai koutou pela mo nisi malo, pela mo tino kola e nofo i nisi fenua, kola e tapuaki ki lakau mo kaupapa. Kae e se mafai eiloa o fai pena.
Te Atua ko Fakasala kae Fakamagalo33“Ona ko au, te Aliki Sili, ko te Atua ola, ko fakailoa atu ne au me i toku kaitaua, ka pule ei ne au koutou i toku lima malosi, mo toku malosi katoa.
34Ka fakaasi atu toku malosi mo toku kaitaua, manafai ko fakamaopoopo mai ne au koutou, kae toe faka'foki mai mai i fenua katoa kola ne salalau koutou ki ei.
35Ka aumai ne au koutou ki loto i te ‘Toafa o Malo,’ i kona ka muna toka ei ne au koutou i otou mua.
36Ka fakamalaia ne au koutou, e pela mo te fakamalaiaga ne au o otou tamana i te Toafa o Sinai.” Ko muna kona a te Aliki Sili.
37“Ka pule malo ne au koutou, kae fai koutou ke fakalogo mai ki taku feagaiga.
38Ka ave keatea ne au mai i a koutou a tino teke kae fai agasala. Ka ave keatea ne au latou mai i fenua konei e nofo nei i ei latou, kae se talia ne au ke foki ki te fenua o Isalaelu. Ka iloa ei ne koutou i a au ko te Aliki.”
39Muna a te Aliki Sili, “Kae nei, koutou tino Isalaelu, fai te mea e loto koutou ki ei! Tavini atu ki otou tupua! Kae e fai atu au penei, me ka oti aka a mea konei, ko koutou eiloa ka fakalogo mai ki a au, kae fakagata te fakatakuvaleaga ne koutou toku igoa i te ofo atu o otou meaalofa ki tupua.
40A koutou tino Isalaelu ka tapuaki mai ki a au i luga i toku mauga tapu, te mauga maluga o Isalaelu. Ka fiafia au ki a koutou, kae fakamoemoe ke ofo mai otou taulaga, taulaga tafasili i te lei, mo otou meaalofa tapu.
41Kafai ko oti ne aumai ne au koutou mai i fenua kola ne salalau ki ei koutou, kae fakamaopoopo koutou, ka talia ei ne au a taulaga sunu a koutou, kae ka lavea ne malo i a au e malu.
42Kafai ko fakafoki mai ne au koutou ki Isalaelu, te fenua ne tauto au ke tuku ki otou tupuga, tena la, ka iloa ei ne koutou i a au ko te Aliki.
43Ka manatua foki ei ne koutou a mea mataga a koutou ne fai, mo te fakalailaiga ne koutou o koutou eiloa. Ka ita koutou ki a koutou eiloa ona ko mea masei katoa a koutou ne fai.
44Kafai ko gasue au o puipui toku igoa, kae ka iloa ne koutou i a au ko te Aliki, me e se fakasala ne au koutou e tusa mo otou amioga masei.” Ko te Aliki Sili tena ne faipati.
Ko te Afi i Saute45A te Aliki ne faipati mai ki a au,
46ana muna, “Te tagata ola, kilo ki saute. Fai au muna teke ki saute kae fai atu foki au muna fakapelofeta o teke atu ki te vao i saute.
47Fai atu ki te vao i saute ke fakalogo mai ki muna a te Aliki Sili: Kiloke! Ka fakaka ne au se afi, kae ka sunu ne ia a ou lakau katoa, faitalia me ne lakau ko mage io me ne lakau lau usiusi. E seai se mea e mafai o fakagata ne ia a te afi tena. Ka solo atu mai i saute ki matu, kae ka lagona katoa ne tino a te vela o te afi.
48Ka lavea katoa ne latou me ko au, te Aliki, ne fakaka ne au a te afi, kae e seai se tino e mafai o tamate ne ia.”
49Kae ne fai atu au penei, “Te Aliki Sili, sa faigina ke fai ne au a te mea tena! A tino katoa e muimui faeloa i a au e faipati sale ki tala fakatusa.”
Who We AreWhat We EelieveWhat We Do
2025 by iamachristian.org,Inc All rights reserved.
