1Te Atua, akoako te Tupu ke fakamasino ne ia tino ki tau amiotonu;
Kau fakatasi koe mo ia i tau fakamasinoga tonu,
2Ko te mea ke pule ne ia tou fenua mo te amiotonu,
Ka puipui foki ne ia tino ma'tiva i te amiotonu.
3Ke fua mai te manuia i te laukele, ka ko te amiotonu ke fai ne tino.
4Ke fakamasino ne te tupu a tino ma'tiva ki te 'lei;
Ke fesoasoani foki a ia ki tino ma'tiva,
Kae fakatakavale ne ia a tino kola e fakasaua ki a latou.
5Ke tumau eiloa te tapuaki atu o tou fenua ki a koe,
E pela mo te tumau o te maina mai o te la,
E pela foki mo te tumau o te sulu mai o te masina, i tupulaga katoa.
6Ke fai te tupu ke pela mo vaiua e to ifo ki fatoaga,
Ke pela foki mo motigaua e 'to ifo ki te laukele.
7Ke tupu olaola te amiotonu i tena olaga katoa;
Mo te manuia ke tumau eiloa i a ia,
Pela mo te masina e tumau faeloa tena maina.
8 e fai taulaga ki a ia.
11A tupu katoa ka ifo i ona mua;
Mo fenua katoa ka tavini ki a ia.
12E fakasao ne ia a tino ma'tiva kola e ka'laga ki a ia,
Mo latou foki kola e puapuagatia kae se amanaia ne tino.
13E alofa a ia ki tino vaivai mo tino ma'tiva;
E fakasao foki ne ia a olotou ola.
14E fakaola ne ia latou mai tino sāuā mo tino matamua;
E tafasili te taua o olotou ola i tena mafaufau.
15Ke ola loa te tupu! Ke maua mai ana aulo mai Alapi;
Ke talosia a ia i taimi katoa,
Ke fakamanuia faeloa te Atua ki a ia!
16Ke fakamaumea te fenua i saito;
Ko mauga foki ke 'fonu i fuagalakau
E pela mo te uke o fuagalakau i Lepanona.
Ko fa'kai lasi ke faka'fonugina i tino,
E pela mo mouku e ola i te laukele.
17Ke se fakapuligina te igoa o te tupu;
A tena takutakua foki ke tumau faeloa pela mo te la.
A fenua katoa ke 'viki ki a ia, tino katoa ke fakatagi atu ki te Atua ke fakamanuia a latou,
Ka ke kalaga foki latou ke maua ne te tupu te fiafia.
18Viki atu ki te Aliki te Atua o Isalaelu,
Me ko ia fua tokotasi ne fai ne ia galuega fakaofoofogina konei.
19Ke vikia tena igoa 'malu ki te se gata mai!
Ke 'fonu te lalolagi katoa i tena 'malu.
Amene! Amene!
20Tenei te fakaotiga o te talo a Tavita te tama a Iese.
Who We AreWhat We EelieveWhat We Do
2025 by iamachristian.org,Inc All rights reserved.
