2 SAMUELU 16 - Tuvalu Revised Bible

Ko Tavita mo Sipa

1 kae ka tuku mai ne ia se fakamanuiaga ki a au, e sui ei a tena fakamalaiaga .”

13Tena, ne olo atu eiloa a Tavita mo tena kau i te auala. A Simei e tautali atu eiloa i a latou, e sasale i te sifoga o te koga maluga tena. E fai ana muna fakamalaia kae peipei a fatu mo one ki sa Tavita.

14I te okoatuga o te tupu mo tena kau ki te Iolitana ka ko oko eiloa i te vaivai, tena ne ma'nava ei latou i kona.

Ko Apisaloma i Ielusalema

15Ne ulu atu a Apisaloma ki loto i Ielusalema fakatasi mo tino Isalaelu katoa kola ne o'mai mo ia, pela foki mo Aitofele.

16I te fetauiga a Husai, te taugasoa fakamaoni o Tavita, mo Apisaloma, ne kalaga ei a ia penei, “Ke ola loa te tupu! Ke ola loa te tupu!”

17Ne fesili atu a Apisaloma, “Ai a ko se kau ei koe i tou taugasoa ko Tavita? Ai a seki tautali atu ei koe i a ia?”

18Ne tali atu Husai, “E mafai pefea ne au o kau ki a Tavita? Au e kau ki te tino tela e filifilia ne te Aliki, tela foki e fili ne te tokoukega o Isalaelu. Au e nofo i a koe.

19Kae ko oi foki la tenei ka tavini au ki ei, me ko te tama foki eiloa a toku pule muamua. E pela mo au ne tavini atu ki tou tamana, kae nei ka tavini atu foki au ki a koe.”

20Ne mafuli atu a Apisaloma ki a Aitofele, kae fai atu ki ei penei, “Konei tatou ko oko mai ki konei, se a nei te mea e tau o fai ne tatou?”

21Ne tali atu Aitofele, “Fano o 'moe fakatau avaga mo avaga fakasalasala a tou tamana kola ne tuku ke tausi te palesi. Ka iloa ei ne tino katoa i Isalaelu i tou tamana ka fai fili atu ki a koe, mo tino foki kola e tau'tali atu i a koe ka loto malosi o kau ki a koe.”

222Samu 12.11,12 Tena ne fakatu ei ne latou te faleie mo Apisaloma i luga i te tuafale o te palesi. Ne ulu atu a Apisaloma ki loto i te faleie, 'moe fakatau avaga ei mo avaga fakasalasala a Tavita, i mata eiloa o te vaitino.

23A muna katoa e fai ne Aitofele i aso kona e talia faeloa ne tino, e pela eiloa me ko te muna a te Atua; a Tavita mo Apisaloma e tau'tali sale foki i ei.