IELEMIA 45 - Tuvalu Revised Bible

Ko te Feagaiga a te Atua ki a Paluka

1 2Tupu 24.1; 2NTupu 36.5-7; Tani 1.1,2 I te fa o tausaga o te nofoaiga a te Tupu ko Ieoiakimo, te tama tagata a Iosia, i Iuta, tena te taimi ne tusi ei ne Paluka a mea kola ne fakalau atu ne au ki a ia. Tena ne fai atu au ki a ia

2i te Aliki, te Atua o Isalaelu, ne fai mai penei, “Paluka,

3a koe ne fai mai penei, ‘Au ko fiu! A te Aliki ko toe fakaopoopo mai ne ia te fanoanoa ki oku puapuaga. Au ko fita i te tagiga, ka ko seai saku malologa lei e maua!”

4“Ka ko au, te Aliki, ka ofa ne au ki lalo a mea ne atiake ne au, kae tule ki lalo a mea ne toki aka ne au. Ka fai ne au a te mea tena ki te lalolagi katoa.

5E a, e taumafai koe o salasala ki se togafiti lei mo koe? Sa fai te mea tena. Ka aumai ne au a te mala ki tino katoa, ka ko koe e fakasao tou ola i so se koga e fano koe ki ei. Ko au, te Aliki, tena ne faipati atu.”