1Muna a te Aliki, “Te tagata ola, puke mai se pelu mata kai o vele ki ei tou talafa mo ou laulu. Ka oti ko fua ei ne koe ou laulu kona ki se mea fua mea mafa, ko vaevae ei ne koe ki vaega e tolu.
2Kafai ko oti a te nikoiga o te fa'kai, ko sunu ei ne koe te vaega e tasi i loto i te fa'kai. Puke te sua vaega o katikati ki tau pelu i te taimi e fanofano sale ei koe i tua o te fa'kai. Pei atu te sua vaega ke agi ne te matagi, kae ka afuli ne au o katikati ki taku pelu.
3Taofi ne koe ne mu laulu, kae kofu ki te kapakapa o tou gatu.
4Ka oti ko toe tapale aka ne koe ne mu laulu, ko pei ei ki te afi ke ka ne te afi. A te ulaga tena ka salalau atu ki te malo katoa o Isalaelu.”
5Muna a te Aliki Sili penei, “Kilo ki Ielusalema. Ne tuku ne au a ia ki te kogaloto o te lalolagi, mo fenua katoa e tu i ona tafatafa.
6Ka ko Ielusalema ne teke ki aku fakatonuga, kae ko lavea atu me e silia atu te masei i lo nisi malo, e silia atu tena se fakalogo i lo fenua kola i ona tafatafa. A Ielusalema ne teke ki aku fakatonuga kae ita ma tausi aku tulafono.
7Ielusalema, fakalogo mai nei ki aku muna konei e fai atu. Ko silia atu te fakalavelave tenei ko fai ne koe i lo malo i ou tafa, ona eiloa ko te se fakalogo o koe ki aku tulafono mo fakatonuga. A koutou ne tautali i tu a nisi malo.
8Tela la, au, te Aliki Sili, ko fai atu i a au nei se fili o koutou. Ka fai ne au te fakamasinoga o koutou i te koga e mafai o matea ne malo katoa.
9Ona ko mea ne fai ne koutou, kola e se fiafia au ki ei, tena la, ka fakasala ei ne au a Ielusalema ke silia atu te māfa i lo taimi mua, ka silia atu foki i lo fakasalaga i aso fakamuli.
10 Ka fakalogo koutou ki te mae o te fiakai, pela me ne matasana mata 'kai kola e eva mai o ta fakapalele koutou.
17Faka 6.8 Ka aumai ne au te mate fiakai mo manu vao ke tamate otou tamaliki, kae aumai te famai, te fakasaua, mo te taua ke ta ei koutou. Ko au, te Aliki, tena ne faipati atu.”
Who We AreWhat We EelieveWhat We Do
2025 by iamachristian.org,Inc All rights reserved.
