1Ona ko te motou ga'lue fakatasi mo te Atua, ko fakamolemole atu matou ki a koutou, ke se taku fakaseaoga ne koutou te alofa tauanoa o te Atua tela ko oti ne maua ne koutou.
2Isa 49.8 Faka'logo ki muna a te Atua:
“Ne lagona ne au tou leo i te itula o toku alofa,
Ne fesoasoani atu foki au ki a koe i te aso o te fakaolataga.”
Kiloke! Tenei te taimi e maua ei te alofa o te Atua, a te aso nei ko te aso o te fakaolataga!
3E se loto matou o fai ne mea faigata ki mafaufauga o nisi tino, ke mo a e sae mai ei se mea masei i te motou galuega.
4Kae i mea katoa e fai ne matou, e fakaasi atu ei i a matou ko tavini a te Atua, i te loto kufaki malosi ki puapuaga, ki mea faigata, ki mala,
5Galu 16.23 ki kini, ki falepuipuiga, ki amioga se fuafuagina, ki galuega, ki te se moe 'lei, ki te likiliki.
6E fakamaonia ne matou te motou fai mo tavini a te Atua i te amio 'lei, i te poto, i te kufaki, i te alofa kaimalie, te Agaga Tapu, i te alofa tonu;
7i te lauga atu o te munatonu, i te mana o te Atua; i meatau o te amiotonu e tau atu ei matou kae fakasao foki matou,
8i te vikia mo te se vikia, ki te takumaseigina mo te taku'leigina. Ne taku matou ne tino 'loi, ka ko matou e fai'pati eiloa ki te mea tonu.
9Ne tino e se iloa, kae tela la e iloa matou ne tino katoa; ne tino 'mate, kae kiloke, e ola matou. Ne fakasalagina, kae ne seki 'mate matou;
10e pela me fanoanoa kae fiafia faeloa matou; ne fakamativagina, kae tokouke ne maumea; e foliga mai me e seai ne omotou mea, kae tela la e uke omotou mea valevale.
11Taugasoa pele i Kolinito! Ne fai'pati tonu atu matou ki a koutou i a matou e alofa mo omotou loto katoatoa ki a koutou.
12Ne a'lofa atu matou ki a koutou, ka ko koutou ne seki a'lofa mai ki a matou.
13Ko faipati atu au penei ki a koutou e pela eiloa koutou mo ne aku tama: fakaasi mai te lagona tonu tela ne fakaasi atu foki ne matou ki a koutou. Ke a'lofa mai koutou ki a matou mo otou loto katoatoa.
Ko Akoakoga mo Amioga Fakapouliuli14Sa taumafai o ga'lue tasi mo tino se talitonu. E se mafai o fakatasi te amiotonu mo te masei. E se mafai o mafuta fakatasi te mainaga mo te pouliga.
151Koli 3.16; 6.19; Levi 26.12; Eseki 37.27E se mafai o fealofani Keliso mo te Tiapolo. E se mafai o pau a mea e maua ne te tino talitonu mo te tino se talitonu.
16E seai se sokoga o te fale tapu o te Atua mo tupua. A tatou ko te fale tapu o te Atua ola! E pela eiloa mo muna a te Atua ne fai:
“E fai ne au a toku fale i a latou, ke nofo foki au i a latou,
E fai foki au mo olotou Atua, ka ko latou ka fai mo oku tino.”
17 Isa 52.11 Ne toe fai mai foki te Aliki:
“E 'tau o tiakina ne koutou latou, kae fakamavae keatea mo latou.
Sa puke ki mea se 'ma,
Ko talia ei ne au koutou.
18 2Samu 7.14; 1NTupu 17.13; Isa 43.6; Iele 31.9 Muna a te Aliki 'Malu,
E fai au mo otou tamana.
Ka ko koutou e fai mo aku fanau.”
Who We AreWhat We EelieveWhat We Do
2025 by iamachristian.org,Inc All rights reserved.
