1Ko iloa 'lei eiloa a te Atua i Iuta;
Tena igoa e faka'malu i luga i Isalaelu.
2E isi sena fale i Ielusalema;
E nofo a ia i luga o te Mauga o Siona.
3Tena te koga ne fatifati ei ne ia a matasana a te fili,
Pela foki olotou talita mo pelu mo olotou meatau katoa.
4Te Atua, ko oko eiloa tou malu!
Ko oko eiloa tou 'malu fakatupu i tau fokimaiga mai te atumauga tela ne fakatakavale ei ne koe ou fili!
5A olotou sotia 'toa,
Ko oti katoa ne ave keatea olotou mea katoa,
Kae nei ko moe eiloa i te moe o te mate;
Olotou malosi mo te atamai i taua ko se aoga.
6Te Atua o Iakopo, kafai e fakamatakutaku ne koe latou,
Ko solofanua mo tino e sopo i ei ka siga kae 'mate.
7Te Aliki, ko koe e ma'taku ki ei a tino katoa.
E seai se tino e mafai o tu i ou mua manafai ko ita koe.
8Ne fakailoa mai ne koe tau fakamasinoga mai te lagi;
Ne ma'taku te lalolagi kae 'nofo 'mu,
9i te taimi tela ne tu mai ei koe o folafola mai tau fakamasinoga,
O fakasao a tino puapuagatia katoa i te lalolagi.
10A te ita o tino e fai mo mea e fakaopoopo atu ei ou tavaega;
A latou kola ne 'sao mai taua ka tausi ne latou ou aso fakailoga.
11Tuku atu ki te Aliki tou Atua a mea ne tauto koe ki ei;
A koutou fenua katoa kola e pili mai,
Ke fai meaalofa koutou ki a ia.
E fai ne te Atua tino ke ma'taku ki a ia;
12E fakamalalo ne ia a pelenise fakamatamata
Kae fakamatakutaku ne ia a tupu takutakua.
Who We AreWhat We EelieveWhat We Do
2025 by iamachristian.org,Inc All rights reserved.
