SALAMO 125 - Tuvalu Revised Bible

Ko te Olaga Tokagamalie o Tino o te Atua

1A latou kola e talitonu ki te Aliki, e 'pau mo te Mauga o Siona,

Tela ka se mafai o fakagasue io me ave keatea.

2E pela mo mauga e nikoi ne latou Ielusalema

E pena foki te Aliki e puipui ne ia ona tino,

Mai te taimi nei ke oko ki te se gata mai.

3A tino amio masei, ka se pule faeloa ne latou a te fenua o tino amio'tonu;

Kafai e pule latou, ka amio masei foki a tino amio'tonu.

4Te Aliki, fai faka'lei ki a latou kola e amio 'lei,

Ki a latou foki kola e faka'logo ki au fakatonuga.

5I taimi e fakasala ei ne koe tino amio masei,

Fakasala atu foki tino kola e tiakina tou auala.

Ke i a Isalaelu te filemu!