1Ne fakatonu mai a te Aliki ki a Mose
2ke tuku atu a fakatonuga konei ki a Alona mo ana tama tagata mo tino katoa o Isalaelu.
3-4So se tino Isalaelu e tamate sena pulumakau, io me se mamoe, io me se kouti, mo fai tena taulaga i so se koga, kae se ko te mataloa o te Faleie o te Aliki, ko ofa ne ia a te Tulafono. Ko taia a ia i te fakamaligi toto, tela la, ko se toe taku a ia se tino o te fenua o te Atua.
5A te uiga o te fakatonuga tenei ko tino ke aumai ne latou ki te Aliki a manu kola e 'ta sale ne latou i tua o te fa'kai. Ko tau nei o aumai ne latou ki te faitaulaga, i te mataloa o te Faleie o te Aliki, kae 'ta mo fai a taulaga fakafetai.
6A te faitaulaga ka apiapi atu ne ia a te toto ki feitu o te fata-fai-taulaga, tela e tu i te mataloa o te Faleie kae sunu a te gako ke pusaki mai i ei a te manogi tela e fiafia ki ei a te Aliki.
7E se toe tau mo tino o ta olotou manu i tua o te fa'kai mo fai olotou taulaga ki atua fakaatea. E tau mo tino Isalaelu o tausi ki te fakatonuga tenei i taimi katoa fakamuli.
8So se tino Isalaelu io me se tino fakaalofa e nofo tasi mo tino Isalaelu e ofo atu ne ia se taulaga 'sunu io me se vaega taulaga ake foki
9ki te Aliki, i so se koga kae se ko te mataloa o te Faleie, ka se toe taku a ia se tino i te fenua o te Atua.
10 Kene 9.4; Levi 7.26,27; 19.26; Teu 12.16,23; 15.23 Kafai se tino Isalaelu io me se tino fakaalofa e nofo tasi mo tino Isalaelu e kai ki se kano manu kae koi isi ne toto i ei, ka se talia a ia ne te Aliki ke fai mo tino o tena fenua.
11Epe 9.22A te ola o mea ola katoa ko te toto, tena te mea ne fai ei a te fakatonuga a te Aliki ke ligi sale a toto ki luga i te fata-fai-taulaga e faka'ma ei a agasala a te fenua. A te toto, tela ko te ola, e faka'ma ne ia a agasala.
12Tena te mea e fakatapu ei ne te Aliki a tino Isalaelu mo tino fakaalofa e nofo tasi latou o kai ki kano manu koi isi ne toto i ei.
13So se tino Isalaelu io me se tino fakaalofa e nofo tasi mo tino Isalaelu ne po ne ia se manu vae fa io me se manu eva tela e 'ma, e tau o ligi ne ia tena toto ki lalo i te laukele kae tanu faka'lei.
14A te ola o mea ola katoa ko te toto. Tena te mea e fakatapu ei ne te Aliki a tino Isalaelu o kai ki kano manu koi isi ne toto i ei, kae so se tino e se fakalogo ka se taku se tino o tena fenua.
15So se tino Isalaelu io me se tino fakaalofa e nofo tasi mo tino Isalaelu e kai ki kano o se manu tela ne mate eiloa i a ia, io me ta ne manu fe'kai, e tau o 'ta ona gatu kae koukou, kae ka fakatali a ia ke oko ki te afiafi ko 'ma ei a ia.
16Kafai e se fakalogo a ia ka maua ne ia te ikuga o tena se fakalogo.
Who We AreWhat We EelieveWhat We Do
2025 by iamachristian.org,Inc All rights reserved.
