2 TUPU 8 - Tuvalu Revised Bible

Ko Foki mai a te Fafine mai Sunema

1 kae fai ei a ieolamo, te tama tagata a Iosefatu mo tupu o Iuta,

17ka ko tolusefulu lua ei ona tausaga. Ne tupu a ia i Ielusalema i tausaga e valu.

18A tena avaga, ko te tama fafine a Aapo, tela la, e tautali eiloa a ia i auala ma'sei o tupu o Isalaelu, e pela eiloa mo te kaiga o Aapo. Ne agasala a ia ki te Aliki,

19ka ko te Aliki e seki loto o fakamasei a Iuta, me i a ia ko oti ne tauto ki tena tavini ko Tavita me i tena gafa e fai faeloa mo tupu.

20I te taimi o te nofoaiga a Ieolamo, a te fenua o Etoma ne teke atu ki te malo o Iuta, tena ne tu saoloto ei.

21Ne fanatu Ieolamo mo ana kaliota katoa ki Seila, kae i kona ne nikoi ei latou ne te kautau a Etoma. I te po, ne sao atu a ia fakatasi mo takitaki o ana kaliota i lima o te kau Etoma, tena 'sao ei latou; ka ko ana sotia ko fakatau foki ki olotou fale.

22Mai te taimi tena, ne tu saoloto mai eiloa i ei a Etoma mai i te malo o Iuta. I te vaitaimi tena, a te fa'kai lasi o Lipina ne teke atu foki ki te malo.

23A nisi tala e uiga ki a Ieolamo e fakamau katoa i te tusi o Te Tala Tuku Fakasolo o Tupu o Iuta.

24Ne mate atu Ieolamo, kae ne tanu i te tanuga o tupu i te Fa'kai o Tavita, kae ne sui a ia ne tena tama tagata ko Asaia o fai mo tupu.

Ko Asaia te Tupu o Iuta(2NTupu 22.1-6)

25I te sefululua o tausaga o te nofoaiga a Iolamo, te tama tagata a Aapo, i Isalaelu, ne fai ei a Asaia, te tama tagata a Ieolamo mo tupu o Iuta

26ka ko tusa ei mo te luasefulu lua ona tausaga. Ne tupu a ia i Ielusalema i te tausaga e tasi. A tena matua ko Atalia, te tama fafine a te Tupu ko Aapo, kae ko te mokopuna o te Tupu ko Omeli o Isalaelu.

27A Asaia ne agasala ki te Aliki, e pela eiloa mo te kaiga o Aapo, me i a ia foki la e kaiga mo Aapo i tena avaga.

28Ne fanatu a te Tupu ko Asaia o kau fakatasi mo te Tupu ko Iolamo o Isalaelu o taua atu ki te Tupu o Sulia ko Hasaeli. Ne fepaki a kautau a latou kona i Lamota i Kileata, tena ne pakia ei a Iolamo.

29Ne foki mai a ia ki te fa'kai o Ieseleelu ke 'lei tena pakiaga, ka ko Asaia ne fanatu o asi ki a ia i kona.