1 Levi 9.23-24 I te palelega o te talo a te Tupu ko Solomona, ko te afi eiloa ko vau mai i te lagi o sunu te taulaga tela ko oti ne ofo atu, mo te mainaga o te fakatasi mai o te Aliki ko nofo i loto i te Faletapu.
2Ne seki mafai ne faitaulaga o ulu ki loto i te Faletapu me ko fonu i te mainaga o te Aliki.
31NTupu 16.34; 2NTupu 5.13; Esela 3.11; Sala 100.5; 106.1; 107.1; 118.1; 136.1; Iele 33.11I te laveaga ne tino Isalaelu a te afi mai i te lagi mo te mainaga i loto i te Faletapu, ne fakasiga ifo latou ki lalo mo olotou mata e fuli ki lalo i te laukele, kae tapuaki atu ki te Atua o tavae tena aga'lei mo tena alofa tumau.
4Tena, ne ofo atu ei ne Solomona mo tino katoa a taulaga ki te Aliki.
5Ne ta ne ia mo fai a taulaga, e 22,000 pulumakau kae e 120 afe a mamoe ke fai mo taulaga fakafetai. Tena la, ne fakatapu ei ne latou mo te fenua katoa a te Faletapu.
6A faitaulaga ne tu i koga ko oti ne fakasino atu mo olotou tu, ka ko te kau sa Levi e tu fakasaga mai ki faitaulaga, kae viki atu ki te Atua i lakau fakatagitagi ne aumai ne te Tupu ko Tavita, kae e usu mai a te pese penei, “A tena Alofa e Tumau!” e pela eiloa mo te fakatonuga ko oti ne fakasino atu ne Tavita. Ne fakatagi ne faitaulaga a pu, ka ko tino katoa e tu.
7Ne fakatapu ne Solomona a te kogaloto o te koga fono, te koga i mua o te Faletapu, tena, kae ofo ei ne ia i kona a taulaga sunu katoa, taulaga saito, mo gako mai i taulaga fakafetai. Ne fai ne ia a te mea tena, me i te fata-fai-taulaga palasi tela ne faite ne ia ko to foliki, e se ofi ei a taulaga katoa kona.
8Ne fakamanatu ne Solomona mo tino Isalaelu katoa a te Kaiga o Fale Fakamalumalu i aso e fitu. Ko oko eiloa i te tokouke o tino, mai i te Auala o Hamata i matū, pela foki mai i te tuakoi ki Aikupito i saute.
9E fitu aso ne fakatapu ei ne latou te fata-fai-taulaga, kae e fitu foki aso mō te kaiga fakamanatu. I te aso fakaoti, ne fai ei te fakafiafiaga fakaoti,
10kae i te aso mai i tua ifo, te po luasefulu tolu o te fitu o masina, ne uga ei ne Solomona a tino ke foki atu ki olotou fale. Ko oko eiloa i te fiafia o latou i fakamanuiaga kola ne aumai ne te Aliki ki tino Isalaelu, ki a Tavita, pela foki ki a Solomona.
Ko Toe Fakasae mai te Atua ki a Solomona(1Tupu 9.1-9)11I te palelega o te faitega ne te Tupu ko Solomona a te Faletapu mo te palesi, ke oko eiloa ki mea kola ne mafaufau a ia ki ei ko taunu katoa,
12tena kae fakasae atu te Aliki ki a ia i te po. Muna a te Aliki ki a Solomona, “Ko oti ne lagona ne au tau talo, kae ko talia foki ne au a te Faletapu tenei ke fai mo koga e ofo mai ei a taulaga ki a au.
13Kafai ne taofi ne au te vaiua ke se to, io me ne aumai ne au a se akelise ke kai ne latou otou lakau kaina, io me aumai se famai ki toku fenua,
14kafai e talo mai latou ki a au kae sala'mo, kae fuli keatea mai i olotou amioga masei, kae ka fakalogo atu au ki a latou mai i te lagi, o fakamagalo olotou agasala, kae toe fai te lotou fenua ke maumea.
15Ka nofo au o tausi te Faletapu tenei, kae ka talia eiloa ne au a talosaga mai i te koga tenei,
16me e tenei te koga ko oti ne filifili kae fakatapu ne au, ke fai mo koga e tapuaki mai ei a tino ki a au ki te se gata mai. Ka tausi ne au, kae puipui ne au i taimi katoa.
17Kafai e tavini mai koe ki a au mo te fakamaoni, e pela mo tou tamana ko Tavita, o tausi aku tulafono, kae fai a mea katoa ne fakatonu atu ne au,
181Tupu 2.4 kae ka fakataunu eiloa ne au a taku tautoga ne fai ki tou tamana ko Tavita, i taku faiga ki a ia me e isi faeloa se tino i tena gafa e pule i Isalaelu
19Kae kafai eiloa e teke ne koe mo tino Isalaelu a tulafono mo fakatonuga kola ko oti ne avatu ne au ki a koutou, kae tapuaki foki koutou ki atua fakaatea,
20tena la, ko koutou ka ave keatea ne au mai i te fenua tena ne avatu ne au mō koutou, kae ka tiakina foki ne au a te Faletapu tenei ne fakatapu ne au ke fai mo koga e tapuaki mai ei a tino ki a au. A tino i koga valevale ka fakatauemu ki ei, kae takalialia i ei.
21“A te Faletapu ko oko eiloa i te malu, a tino kola e faka'sili aka i ona tafa ka ofo, ka fesili aka penei, ‘Ai a ne fai ei ne te Aliki a te mea tenei ki te fenua tenei, mo te Faletapu tenei?’
22Ka tali mai a tino penei, ‘Me ne fulitua ki te Aliki te lotou Atua, tela ne aumai ne ia olotou tupuga mai Aikupito. Ne tautali latou i nisi atua kae tapuaki ki ei. Tena te mea ne aumai ei ne te Aliki a te puapuaga tenei ki luga i a latou.’ ”
Who We AreWhat We EelieveWhat We Do
2025 by iamachristian.org,Inc All rights reserved.
