FAMASINO 2 - Tuvalu Revised Bible

Ko te Agelu a te Aliki i Pokima

1Ne fanatu te agelu a te Aliki mai Kilikala ki Pokima kae fai atu ki tino Isalaelu penei, “Ko au ne aumai ne au koutou keatea mai Aikupito, kae aumai koutou ki te fenua tenei ne tauto ne au ki otou tupuga. Au ne faipati penei, ‘E se mafai ne au o ofa taku feagaiga mo koutou.

2 I kona ne ofo ei olotou taulaga ki te Aliki.

Ko te Mate o Iosua

6Ne uga atu ne Iosua a tino Isalaelu ke foki ki olotou koga nofo, tena ne olo atu ei latou taki tokotasi ki olotou laukele ko oti ne fakasino atu.

7I te taimi koi ola ei a Iosua, a tino Isalaelu ne tavini eiloa ki te Aliki. I te mateatuga o Iosua, ne tumau eiloa te fakalogo o tino Isalaelu ki te Aliki i aso koi ola ei a takitaki kola ne kilo faka'lei ki mea ne fai ne te Aliki mo tino Isalaelu.

8A te tavini a te Aliki ko Iosua, te tama a Nuno, ne mate ka ko tusa mo te selau sefulu ona tausaga.

9Iosu 19.49,50 A ia ne tanu eiloa i tena laukele i Timenata Sela i te fenua mauga o Efalaima i te feitu ki matu o te Mauga o Kaasa.

10Ne mate atu te tupulaga tena, ka ko te tupulaga fou ko puli i a latou a te Aliki, mo mea ne fai ne ia mō Isalaelu.

Isalaelu ko Fulitua ki te Aliki

11Ne agasala a tino Isalaelu ki te Aliki me ko tapuaki atu ki a Paala.

12Ne gata te tapuaki a latou ki te Aliki, te Atua o olotou tupuga, te Atua tela ne aumai ne ia latou mai Aikupito, kae tapuaki atu ki atua fakaatea, ko atua o tino e nofo i olotou tafa. Ne ifo latou ki atua kona, tena ko fai ei ne latou te Aliki ke kaitaua.

13Ne fulitua atu latou ki te Aliki, kae tavini atu ki te atua ko Paala mo Asitate.

14Tena, ne kaitaua te Aliki ki Isalaelu, kae fai ne ia a te potukau fao mea ke olo o ta kae fao olotou mea. Ne tuku ne ia a Isalaelu ke fakatakavale ne ona fili i ona feitu, tena ko se maua eiloa ne latou o faka'sao latou.

15I taimi katoa e olo ei latou o taua, a te Aliki e se kau lele eiloa ki a latou, e pela eiloa mo ana muna. Ko oko eiloa latou i te puapuaga.

16Tena, ne tuku mai ei ne te Aliki ne takitaki ki tino Isalaelu, kola ne faka'sao ne latou tino Isalaelu mai tino masei.

17Ka ko tino Isalaelu e se fia saga ki olotou takitaki. A Isalaelu ko se fakamaoni ki te Aliki, kae ko tapuaki atu ki nisi atua. A olotou tamana ne faka'logo ki muna a te Aliki, ka ko te tupulaga fou ko se fai pena.

18I so se taimi e tuku ei ne te Aliki se takitaki ki Isalaelu, a ia e fesoasoani faeloa ki te takitaki tena, kae fakasao ne ia latou mai olotou fili i te taimi koi ola ei te takitaki tena. A te Aliki e alofa ki a latou me i a latou e tagi fita i olotou puapuaga.

19Kae kafai ko mate te takitaki, a tino Isalaelu e masani o toe foki ki olotou faiga mua, kae ko masei atu i te tupulaga ko teka atu. E masani o tavini kae tapuaki latou ki nisi atua, kae ita ma tiakina olotou amioga masei kona.

20Tena, ko te Aliki ka kaitaua ki tino Isalaelu kae ka fai ana pati penei, “A te malo tenei ko ofa ne latou te feagaiga tela ne fakatonu ne au ke tausi ne olotou tupuga. Mai i te se faka'logo o latou,

21tena, ka se toe afuli keatea ne au a malo kola koi nofo i te fenua i te taimi ne mate ei Iosua.

22Ka fakaaoga ne au a tino kona ke iloa tonu ne au me i tino Isalaelu konei koi fia tau'tali mai i a au e pela mo olotou tupuga io me ikai.”

23Tena, ne talia eiloa ne te Aliki ke nofo eiloa a malo kona i te fenua; ne seki tuku ne ia te manumalo katoatoa ki a Iosua i a latou; e seki afuli foki ne ia latou keatea i te fatoa otiatuga ne mate o Iosua.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help