1 NOFOAIGA TUPU Fakatomuaga - Tuvalu Revised Bible

Fakatomuaga Muamua mote Lua Nofoaiga Tupu e lasi loa ki te toe fakamatalaga o mea tupu i te tusi o Samuelu mo tusi e uiga ki Tupu mai nisi kiloga. E lua a pogai taua e fakaautu ki ei te faiga o tala tuku fakasolopito o te fakasologa o tupu i tusi konei o Nofoaiga Tupu.1. Ke fakaasi i ei, me e ui eiloa i puapuaga kola ne oko ki te malo o Isalaelu mo Iuta, ka ko te Atua e tausi eiloa ki ana tautoga ki tena fenua, kae e taumafai foki o fakataunu ana fuafuaga, mō tena fenua i a latou kola e nofo i Iuta. Kae ko te fakavae ki te fakapatonuga, Te Tusitala ne onoono ki galuega 'lei ne fai ne Tavita mo Solomona, mo te fakafouga ne Iosefatu, Hesekia, mo Iosia, mo tino kola e tumau te lotou fakamaoni ki te Atua.2. Ke fakamatala ei te kamataga o tapuakiga ki te Atua i te Faletapu i Ielusalema, kae pela foki mo te kau faitaulaga mo sa Levi kola e takitaki ne latou te faiga o tapuakiga. E fakaasi mai foki i konei me ko Tavita ne kamata ne ia te mafaufauga ki te Faletapu mo sauniga faka‐te‐lotu i ei, kae ko Solomona ne fakatu ne ia a te Faletapu.Ko Fakasologa o MataupuFakasologa o gafa 1.1—9.44Mate o Saulo 10.1-14Nofoaiga a Tavita 11.1—29.30a. Fakalavelave mo mea ne fakataunu 11.1—22.1e. Fakatokatokaga mō te faitega o te Faletapu 22.2—29.30