SALAMO 93 - Tuvalu Revised Bible

A te Atua ko te Tupu

1A te Aliki ko te Tupu.

E fai mo ona gatu a te 'malu mo te malosi.

Te lalolagi ko oti ne fakamautakitaki i tena tulaga,

E se mafai o fakagasuegina.

2Te Aliki, a tou nofogaaliki

Ko oti ne fakatumau mai te kamataga,

A koe foki ne ola ka koi tuai o kamata te faitauga o aso.

3Te Aliki, a te moana 'poko ko sou,

E sou kae 'golo.

4A te Aliki e tafasili i te maluga tena pule i te lagi,

E malosi atu tena pule i te malosi o te 'golo o te moana,

E malosi atu foki i galu o te tai.

5Te Aliki, au tulafono e seai se koga e gata mai i ei,

A tou Faletapu e 'malu katoatoa,

E oko eiloa ki te se gata mai, ki te se gata mai eiloa.