ISAIA 41 - Tuvalu Revised Bible

Ko Muna a te Atua ki Isalaelu

1Ne faipati mai te Atua penei,

“Koutou fenua mao, sauā kae fakalogo mai!

Fakatoka o aumai te otou mataupu ki te fono;

Ka maua se avanoaga o koutou o faipati.

Ke maopoopo fakatasi tatou o mafaufau me ko oi e tonu.

2“Ko oi ne aumai ne ia a te tagata toa mai i te saegala

Kae fai a ia ke manumalo i so se koga e fano ei a ia?

Ko oi ne avatu ne ia te manumalo ki a ia i tupu mo malo?

A tena pelu e ta ne ia te fili e pela me ne pefu.

A ana matasana e fakatafola ei latou e pela

Me ne kausaito e agina i se matagi.

3E afuli ne ia te fili, kae fanatu eiloa mo te saogalemu,

Kae ko oko eiloa i te vave tela ko se patele eiloa ki lalo i te laukele!

4Ko oi ne fai ne ia te mea tenei ke tupu?

Ko oi e pule i mea e tupu?

Ko au, te Aliki, ne nofo i kona i te kamataga,

Kae ko au foki e nofo i kona i te fakaotiga.

5“A tino o fenua mao ko oti ne lavea ne latou a mea ne fai ne au;

Ko oko eiloa i te mataku kae polepole i te mataku.

Tena la, ne maopoopo katoa latou, ko te mea eiloa ko o'mai.

6A tagata poto i galuega e fakatau fesoasoani

Kae fakamalosi ne nisi tino a loto o nisi tino.

7Muna a te kamuta ki te tagata faite aulo,

‘Ko oko eiloa i te gali o tau galuega ne fai!’

A te tagata tela e faka'mole ne ia a te tupua

E tavae ne ia a te tagata tela ne 'tuki fakatasi ne ia.

Olotou muna, ‘Ko oko eiloa i te lei o te fakapikiga’—

Tena tuki ei ne latou ki fao.

8

Ka aumai ne au a ia ke taua mai ki a koutou mai i matū.

E lakalaka ne ia a tino pule e pela me ne pela,

Pela me se tagata faite mea ki one tela e lakalaka ne ia a one.

26Ko oi te tino ne valo ne ia a te mea tenei ko tupu,

Ko te mea ke fai ake tatou pela me ko tonu tena valoaga.

E seai eiloa se tino i a koutou ne fai sena

Muna e uiga ki te mea tena ne tupu;

E seki ai eiloa se tino ne lagona ne

Ia se pati a se tino i a koutou e uiga ki te mea tena!

27Ko au, te Aliki, ne mua o faipati ki Siona

E uiga ki te mea tena;

Ne uga ne au te avefekau ki Ielusalema o fai atu penei,

‘A ou tino ko o'mai! Ko foki mai ki te lotou fenua!’

28Ne onoono atu au ki atua,

E seai eiloa se atua ne fai sena pati;

E seai se atua e mafai o tali mai ki fesili ne fesili ne au ki a latou.

29A atua katoa konei e seai ne aoga;

E seai eiloa se mea e mafai ne latou o fai —

A tupua konei e seai se lotou malosi.”