ESEKIELU 29 - Tuvalu Revised Bible

Ko Muna Fakapelofeta ki a Aikupito

1

4Ka fakalave ne au a te kafilo i tou kauvae kae fai a ika i tou vaitafe ke piki mau ki a koe. Tena la, ko futi aka ei koe ne au mai i te Naila, mo ika e piki mau ki tou foitino.

5Ka pei ne au a koe mo ika katoa kona ki loto i te toafa. Ka tiaki tou foitino i luga i te laukele kae ka tuku eiloa i kona se tanu. Ka tuku atu ne au tou foitino ke kai ma manu eva mo manu o te vao.

6

8Nei, a au, te Aliki Sili, ko fai atu ki a koutou me ka aumai ne au a tagata ke ta ne latou koutou ki pelu, kae ka tamate ne latou otou tino mo otou manu.

9A Aikupito ka fai mo koga se aoga. Tena la, ka iloa ei ne koutou i a au ko te Aliki.

“Ona ko koutou e fai mai i te Naila e a koutou, kae ne faite foki ne koutou,

10tela la, au ko fai atu i a au ko te otou fili kae ko te fili foki o te Naila. Ka fakaseaoga ne au a Aikupito, mai i te fa'kai o Mikitolo i matu ki te fa'kai o Asiuana i saute, ke oko atu eiloa ki te tuakoi o Sutana.

11E seai eiloa se tino ola io me se manu e toe fano i loto i te koga tena. E se toe ai se mea ola e toe nofo i kona i tausaga e fasefulu.

12Ka fai ne au a Aikupito ke fai mo fenua tafasili i te se aoga i te lalolagi. A fa'kai o Aikupito ka tu maofa eiloa pena i tausaga e fasefulu, e tafasili atu te fakamaseiga o fa'kai kona i lo so se fa'kai. Ka fai ne au a tino Aikupito ke sola o sala ne koga mo olotou nofo. Ka tele latou ki fenua katoa o nofo tasi mo tino o fenua kona.”

13Muna a te Aliki sili, “Kafai ko katoa te fasefulu tausaga, ko fakafoki mai ei ne au a tino Aikupito mai i fenua kola ne fakasalalau ne au ki ei latou,

14kae ka tuku atu ne au ke nofo i Aikupito ki saute, te fenua taumua eiloa o latou. I kona, ka fai latou mo malo vaivai,

15ko te toe malo vaivai eiloa i malo katoa, kae ka se toe pule eiloa ne latou a nisi malo. Ka fai ne au latou ke se takutakua, ke se mafai ne latou o toe lou mai se malo ki te mea e loto latou ki ei.

16A Isalaelu ka se toe fakana ki a latou mo se fesoasoani. A te ikuga o Aikupito ka fai mo mea e fakamasaua ei ki a Isalaelu a te se tonu o te fakalagolago o latou ki ei. Tena la, ka iloa ei ne Isalaelu i a au ko te Aliki Sili.”

Aikupito ka Fakatakavale ne Nepukanesa

17I te po muamua o te masina muamua i te luasefulu fitu o tausaga i te tafeaga, ne faipati mai te Aliki ki a au,

18ana muna, “Te tagata ola, a te tupu o Papelonia ko Nepukanesa ne taua atu ki Tulo. Ne fai ne ia ana sotia ke amo a amoga tafasili i te mafa, tena ko kana ei olotou ulu ne amoga mafa kona ke tula, mo olotou tuauma ko mafolefole valevale, kae e seai eiloa se mea lei ne maua ne te tupu io me ko tena kautau i olotou fitaga kona.

19Tela la, konei aku muna e fai atu: ka tuku atu ne au a te fenua o Aikupito ki te Tupu ko Nepukanesa. Ka puke kae fao malo ne ia a mea taua, kae ave ne ia a te maumea katoa o Aikupito ke fai mo togi o tena kautau.

20Ka tuku atu ne au a Aikupito ki a ia, ko tena togi tena i ana galuega ne fai, me i tena kautau e galue mo oku. Ko au, te Aliki Sili, tena ne faipati atu.

21“Kafai ko tupu a te mea tena, kae ka fai ne au a Isalaelu ke malosi, kae ka tuku atu ne au a koe e Esekielu ke faipati atu koe i se koga e lagona ne tino katoa, ko te mea ke iloa ne latou i a au ko te Aliki.”