1 Ko te Pese MuamuaKo muna a te Fafine
2Ou laugutu ko sogi mai ki oku laugutu,
A tou alofa e sili atu i te uaina.
3A tou foitino e manogi gali;
Ka lagona ne au tou igoa kae masaua ne au tou manogi.
E faigata se fafine o se fiafai atu ki a koe.
4'Taki atu au ke olo taua, ke 'tele taua ki se koga;
Ke fai koe mo oku tupu kae avatu au ki tou potu,
Ke fia'fia fakatasi taua.
A tou alofa e sili atu i te uaina.
E setioa eiloa o alofagia koe ne fafine katoa!
5Fa'fine o Ielusalema, au e uli kae taulekaleka,
E uli e pela mo faleie o kitala i te toafa,
kae taulekaleka e pela mo laugatu pui i te palesi o Solomona.
6Sa fakatauemu ki te lanu o toku foitino,
I a au e uli fua ne kasa ne te la.
A oku tuagaene ne ita ki a au, tena,
Ave ei ne latou au o fakagalue i te togavine.
Tela la, e seai se taimi e fakagaligali sale ei toku foitino.
7Taku pele, taku mai
Me tefea te koga ka ave ei ne koe ki ei a tau lafu mamoe ke kaikai i ei?
Tefea te koga ka fakama'nava ei latou mai te vela o te la i te tutonu?
Ai a ka fano fua ei au o sala koe i lafu mamoe a nisi tausi mamoe?
Ko muna a te Tagata8Te fafine tafasili i te taulekaleka, e se iloa ne koe te koga ka fano au ki ei?
Fano o tautali i tua o te lafu mamoe;
Sala se malae mouku mo kaikai au kouti i tafa o faleie o tausi mamoe.
9Taku pele, a koe ko oko eiloa i te manakogia ne tagata
E pela eiloa me se solofanua fafine ko manakogina ne solofanua tagata kola e 'taki a kaliota a Falao.
10Ou laulu ko oko eiloa i te āta gali ki ou kalafau,
Kae tau'tau ifo i tou ua e pela me ne fatu malipo'lipo.
11Kae ka fai ne matou ne ligi aulo mō koe,
Mo ne malele siliva.
Ko muna a te Fafine12A toku tupu e takato i tena moega,
Ka ko pusaki atu te manogi o toku sausau.
13A taku pele e manogi ki te manogi o te sinu ko te mulo
I te taimi ne takato mai ei i luga i toku fatafata.
14A taku pele e pela me se pula o te
vao ko matala i te togāvine i Eneketi.
Ko muna a te Tagata15Taku pele, ko oko eiloa koe i te
gali;
A tou alofa ko iloa atu eiloa i ou mata!
Ko muna a te Fafine16Taku pele, ko oko eiloa i tou taulekaleka;
Ko oko eiloa i toku fiafia i a koe!
A te moega o taua ko te mouku lanu usiusi;
17A lakau ko alasi ko utupoto o ta fale,
Ka ko lakau ko pelosi ko te fakaalo tena.
Who We AreWhat We EelieveWhat We Do
2025 by iamachristian.org,Inc All rights reserved.
