IOPU 14 - Tuvalu Revised Bible

1A tatou katoa ne fanau mai e vaivai kae seai se mea e mafai o fai.

E ola katoa tatou i te olaga toetoe tenei, kae fonu i fakalavelave.

2A tatou e tupu ake, kae toe mage atu e pela me ne pula lakau;

A tatou e galo atu fua e pela me ne ata.

3Te Atua, e a, e kilo mai eiloa koe ki a au io me ave ne koe au ki te fono ke fakamasino au ne koe?

4E seai eiloa se mea ma e mafai o maua i te tagata,

I te tagata se mea lailai.

5A te leva o tena olaga ko leva ne fuafuagina — pela mo te aofaki o masina e ola ei a ia.

Ko oti ne fakamoe ne koe, tela la, e se mafai o fuli.

6Kilo keatea mai i a ia, kae tuku ei a ia ke nofo tokotasi;

Tuku atu ei a ia ke fakafiafia tena olaga, manafai e mafai ne ia.

7Kafai se lakau ne kati ki lalo, kae e isi eiloa se fakamoemoega me e mafai o toe ola aka.

8E ui eiloa ko ma'tua ona aka, mo tena tafito foki ko mate i te laukele,

9Kae e mafai eiloa o toe ola aka pela me se lakau fatoa tupu aka, manafai e isi te vai i ei.

10Ka ko te tagata, kafai ko mate, tena eiloa tena gataga;

E mate atu a ia, tefea la te koga e fano a ia ki ei?

11E pela mo vaitafe kola ko gata te tafe, mo namo kola ko masa pakupaku,

12E pena a tino, e 'mate atu se toetu ake.

E se toe ala aka eiloa i te taimi e tumau ei te lagi;

E se toe ga'sue eiloa latou mai te lotou moe.

13Aku muna eiloa ke fakamuni ne koe au i te lalolagi o tino mate;

Tuku mai au ke muni ke oko ki te taimi e gata ei tou kaitaua,

Tena, ko onoono ei koe ki se taimi e toe masaua mai ei au.

14Kafai e mate se tagata, e mata e mafai o toe ola mai?

Ka ko au ka fakatalitali ki te taimi lei,

Ka fakatali au ke oti atu a taimi o fakalavelave konei.

15Tena la, ka kalaga mai koe, kae tali atu au,

Kae ka fiafia ei koe ki a au, tau mea ola ne faite.

16Ka kilokilo fakalei koe ki oku ala, kae ka se toe salasala koe ki aku agasala.

17Ka fakamagalo ne koe aku agasala, kae ave keatea ne koe;

Ka solo faka'ma ne koe aku mea se katoa ne fai.

18Ka oko mai aso e 'siga ei a mauga, mo kaupapa malosi ka fakagasue.

19A kaupapa ka kaikai lemu ne te vai,

Ka ko vaiua ka ave keatea ne latou a one;

Tena la, ko ofa ne koe a te fakamoemoega o te tagata i a ia e ola.

20E fakatakavale ne koe a te tagata, kae uga keatea ne koe ke galo atu ki te se gata mai;

Ko mafuli ona foliga me ko mate atu.

21E maua ne ana tama tagata ne tulaga fakaaloalogina,

Kae e seai foki se tino e fakaasi atu ki a ia i ana tama tagata ko masiasi.

22E lagona fua ne ia a te mae o tena foitino mo te mafatia o tena mafaufau.