1Te Aliki, fakalogo mai ki aku pati;
Kae fakalogo mai foki ki toku manava fi'ta.
2Toku Atua mo toku tupu,
Fakalogo mai ki taku fakatagi mō se fesoasoani!
Te Aliki, au e 'talo atu ki a koe;
3E lagona ne koe toku leo i te taeao;
I te saeakega o te la, ne talo atu ei au,
Kae fakatali ki se tali mai i a koe.
4A koe e se se Atua tela e fiafia ki faiga 'se;
E se talia ne koe se mea masei.
5E se fia kilo ou mata ki tino fakamata'mata,
A koe e se fiafia ki tino amio ma'sei.
6E fakamalaia ne koe tino 'loi katoa,
E takalialia koe ki tino sauā kae fai togafiti.
7Ka ko au, e mafai o fanatu ki tou fale,
Ona ko tou alofa lasi;
E mafai o tapuaki atu au i loto i tou Faletapu 'Malu,
Kae ifo atu mo te ava lasi ki a koe.
8Te Aliki, ko oko eiloa te tokouke o oku fili!
Takitaki atu au ke fai ne au tou loto,
Kae fakaasi mai ou auala ke tautali au i ei.
9 Loma 3.13 A pati e fai ne oku fili e se mafai o fakatuagagina;
Te mea e ma'nako latou ki ei ko te fakamasei.
A olotou pati e logo'tonu kae mole'mole,
Kae tela la, ko te loi faeloa.
10Te Atua, fakasala kae fakamalaia atu latou;
Ke malaia eiloa latou i olotou fuafuaga masei.
Atuli atu latou ki tua mai ou mua
Me ko tō uke olotou agasala
Mo olotou faiga ma'sei e teke atu ki a koe.
11Ka ko latou katoa kola e maua ne latou mai i a koe a te filemu ka fiafia;
Ka usu pese faeloa latou mo te fiafia.
Puipui ne koe latou kola e alofa ki a koe;
Me e fiafia latou ona ko koe.
12Te Aliki, e fakamanuia ne koe latou kola e faka'logo ki a koe;
A tou alofa e pela me se taliga e malu 'lei ei latou.
Who We AreWhat We EelieveWhat We Do
2025 by iamachristian.org,Inc All rights reserved.