NEEMIA 5 - Tuvalu Revised Bible

Ko Faiga se Lei ki Tino Mativa

1I se taimi fakamuli ifo, a tino Iutaia, tagata mo fafine, ko kamata o muimui ki olotou taina Iutaia foki eiloa.

2Muna a nisi o latou penei, “A omotou kaiga e tokouke kae e manako matou ki ne saito ke kai matou ke ola matou.”

3Muna a nisi penei, “A matou nei e togi atu omotou fatoaga mo omotou togavine mo omotou fale ke maua ne saito a matou mo omotou kai i a matou ma mate i te fiakai.”

4Ka ko nisi ne fai aka foki penei, “A matou nei e kaitalafu foki i tupe ke togi ei a lafoga o omotou fatoaga mo togavine ki te malo.

5A matou nei ne tino o te fenua e tasi mo omotou taina Iutaia. E a, a omotou tamaliki nei e se pau mo olotou tamaliki? Kae nei, a omotou tamaliki e fai mo pologa. A nisi o omotou tamaliki fafine ko leva ne fakatau atu ke fai mo pologa. A matou nei ko seai se mea e mafai o fai me i omotou fatoaga mo togavine ko oti ne puke keatea mai i a matou.”

6I te lagonaga ne au a pati muimui a latou, ko oko eiloa i toku kaitaua, tena ne mafaufau ei au o fai se mea.

7 tela e fusi i toku taugasulu kae lulu ne au. Muna a aku penei, “Ka lulu penei koutou ne te Atua manafai se tausi koutou ki te otou feagaiga. Ka ave keatea ne te Atua a otou fale mai i a koutou, pela foki mo mea katoa a koutou kae ka seai eiloa ne otou mea.”

A tino katoa kola ne nofo i kona ne fai aka olotou muna penei, “E tonu, e tonu!” Tena kae vikia ei ne latou te Aliki. Ka ko takitaki ne tausi eiloa ki te lotou feagaiga.

Ko te Kaimalie o Neemia

14I tausaga e sefululua, ne fai ei au mo kovana o te fenua o Iuta, mai te luasefulu o tausaga o te nofoaiga a Aletaseta te tupu, ke oko ki te tolusefulu lua o tausaga o tena nofoaiga, e seki kai eiloa au io me ko oku kaiga ki meakai kola e tau o maua ne au i toku tofi ko te kovana.

15A kovana katoa kola i oku mua ne fakapuapuaga ne latou te fenua kae ne ma'nako ke maua e fasefulu tupe siliva i aso takitasi, mo togi meakai mo uaina. Ke oko foki eiloa ki olotou tavini ne fakafita ne latou a tino. Ka ko au e se fai pena, me i a au e mataku ki te Atua.

16Ne fakaoti toku malosi i te toe faitega o te 'pui kae e seki maua eiloa ne au ne mea lei. A tino katoa kola ne galue i a au, ne fakatasi katoa ki te galuega o te toe faitega o te pui.

17A tino e fagai sale ne au i toku fale e tusa mo te selau limasefulu tino Iutaia mo olotou takitaki, kae e kese foki eiloa a tino kola e o'mai ki a au mai malo pili mai.

18I aso katoa, e tuku atu ne au e tasi te pulumakau tagata, e ono mamoe tafasili i te lei, mo moa e uke ke kai ei a tino i toku fale; kae i te taki sefulu o aso, e aumai sale eiloa ne au a te uaina fou. Kae e iloa eiloa ne au a te mafa o te amoga tena ki tino, tela la, e seki manako au ke maua ne au te tupe tela e tau o maua ne te kovana.

19Te Atua, au e 'talo atu ki a koe ke masaua ne koe a mea lei konei ko oti ne fai ne au ki tino konei.