1 TUPU 4 - Tuvalu Revised Bible

Ko Ofisa a Solomona

1A Solomona ko te tupu o Isalaelu katoa,

2kae konei a igoa o ana ofisa ma'luga katoa:

Te faitaulaga: ko Asalia, te tama tagata a Satoka

3Ko failautusi o te fono: ko Eliolefi mo Aita, ko tama tagata a Sisa

Ko te tino fakamau o tala tuku fakasolo mo mea e tupu: ko Iosefatu te tama tagata a Ailuta

4Te takitaki o te kautau: ko Penaia te tama tagata a Ieoiata

Ko faitaulaga: ko Satoka mo Apiata

5Te pule o kovana o kogā fenua: ko Asalia te tama tagata a Natano

Te tino fakatonutonu a te tupu: ko te faitaulaga ko Saputa, te tama tagata a Natano

6Te pule o tavini i te palesi: ko Aisala

Te pule o tino galue: ko Atonilama, te tama tagata a Apata.

7E tinogafulu mo te tokolua kovana o kogā fenua o Isalaelu ne fili ne Solomona. Ko latou e fagai ne latou te tupu mo tena kaiga mai meakai mai i olotou kogā fenua. E tasi te masina o te kogā fenua nei, te sua masina ko te sua kogā fenua, e pena eiloa i te tausaga katoa. Ko kovana o kogā fenua takitasi e o latou te tofi o fakasoasoa mai meakai mai olotou kogā fenua i te masina o latou e tasi i te tausaga.

8Konei a igoa o kovana e tinogafulu mo te tokolua, mo koga fenua e pule ne latou:

ko Penehulo: i te fenua malugaluga o Efalaima

9ko Penitekelu: i fa'kai o Makasa, Salapima, Peta Semese, Eloni, mo Peta Hananu

10ko Penisete: i fa'kai o Alupota mo Soko mo te kogā laukele katoa o Hefa

11ko Penapinatapu, tela e avaga ki te tama fafine a Solomona e igoa ki a Tafata: ko te kogā fenua katoa o Toa

12ko Pana, te tama tagata a Ailuta: e pule i fa'kai o Tanaka, Mekito mo te kogā fenua katoa i tafa o Peta Seana, kae pili ki te fa'kai foliki o Saletana, i te feitu ki saute o te fa'kai foliki o Ieseleelu, ke oko eiloa ki te fa'kai o Apelu Meola mo te fa'kai o Iokemeamo

13ko Pegepelu: e kovana i te fa'kai o Lamota i Kileata, mo fa'kai o te kaukaiga o Iaila te gafa o Manase, i Kileata, mo te laukele o Alikopa i Pasana, e tusa mo te onosefulu o fa'kai katoa i ei, e isi katoa ne olotou olo, kae fai a mataloa o olotou fa'kai ki fiti palasi

14ko Ainatapu te tama tagata a Ito: e kovana i te kogā fenua o Manaima

15ko Aimaasu, tela e avaga ki te sua tama fafine a Solomona e igoa ki a Pasemeta: e kovana i te kogā laukele o Nafatali

16ko Pana te tama tagata a Husai: e kovana i te kogā laukele o Asela mo te fa'kai o Pealota

17ko Iosefatu te tama tagata a Palua: e kovana i te kogā laukele o Isakala

18ko Simei te tama tagata a Ela: e kovana i te kogā laukele o Peniamina

19ko Kepelu te tama tagata a Uli: ko te kovana i te kogā laukele o Kileata, tela ne pule ne te tupu o Amoli ko Sekono mo te tupu o Pasana ko Oko.

I tafa o te tokosefulu lua kona, kae e isi eiloa se kovana i te fenua katoa.

Ko te Nofoaiga Maumea a Solomona

20A tino Iuta mo Isalaelu ko pela eiloa mo one o te matafaga i te tokouke; i te taimi nei a tino e kai kae inu kae fiafia.

21 mo fagai a solofanua ave kaliota mo pulumakau toso ka.

29Ne tuku ne te Atua ki a Solomona te poto mo te malamalama e se mafai o fakatusagina, mo te iloa e se mafai o fua ki se fua.

30A Solomona e poto atu i tagata poto mai te saegala io me ko tagata poto o Aikupito.

31Sala 89 Ko ia ko 'toe tagata poto eiloa i tagata katoa: e poto atu i a Etanu te tagata mai Esela, pela foki i a Hemanu, Kalakolu, mo Taleta, kola ko tama tagata a Maholo. A tena poto ko salalau atu eiloa ki fenua e tuakoi atu ki tena fenua.

32Faata 1.1; 10.1; 25.1; Pese 1.1 Ne fatu ne ia e tolu afe fuaiupu faka mua'gana kae e silia atu i te afe o pese.

33E taku sale ne ia i loto i ana pese, a lakau lasi mo lakau foliki, mai alasi o Lepanona ke oko ki hisopo kola e ola i luga i pui; e faipati sale foki ne ia a vaega manu vae fa, mo manu eva, mo manu 'tolo mo ika.

34Ne 'logo katoa a tupu o te lalolagi i tena poto, tena ne uga ei olotou tino ke o'mai o fakalogologo ki a ia.