FAKAASIGA 2 - Tuvalu Revised Bible

Ko te Fekau ki Efeso

1 “Tusi la koe ki te agelu o te Ekalesia i Efeso penei:

“Tenei a te fekau mai te tino tela e taofi ne ia a fetu e fitu i tona lima fakaatamai, kae e sasale foki i va o tulaga moli aulo e fitu.

2E iloa ne au au mea ne fai; e iloa foki ne au a tou galue malosi pela foki mo tou kufaki. E iloa foki ne au, me se mafai o fakasaoloto ne koe a tino amio masei, ko oti foki ne tofotofo ne koe a latou kola e fai mai me ne apositolo, kae e se ne apositolo, kae ne maua ake foki ne koe me ne tino 'loi fua.

3E iloa ne au i a koe se tino e loto kufaki, ne puapuagatia foki koe ona ko au, kae e seki takavale foki eiloa koe.

4Kae tenei eiloa te mea ko se malie ei au ki a koe: i a koe ko se alofa mai nei ki a au, e pela mo tou alofa i te kamataga.

5Ke masaua ne koe te 'mao o tou pakū keatea! Salamo ki a au agasala, kae alofa mai ki a au e pela eiloa mo tou alofa i te kamataga. Kafai e se salamo koe ki au agasala, au e vau ki a koe o 'kave keatea a te tulaga moli tena e i a koe.

6Kae tenei te mea e 'lei ei koutou: e ita koutou ki te kau Nikolaitani, e penei foki eiloa mo au.

7

“Ki a latou kola ne manumalo, e tuku atu ne au a te saolotoga o 'kai ki te fuaga o te lakau o te ola, tela e ola i te Fatoaga a te Atua.”

Ko te Fekau ki Semulana

8

“Tenei te fekau mai i a ia tela ko te tino muamua mo te tino fakamuli, tela ne mate kae ne toe ola.

9E iloa ne au ou puapuaga; e iloa foki ne au i a koe e mativa, ka ko te tonuga a koe e maumea! E iloa ne au a muna ma'sei ne fai atu ki a koe ne tino kola e fai mai i a latou ne Iutaia, kae e se ne tino Iutaia; a latou kona se potu kau a Satani!

10Sa mataku ki so se mea ka puapuagatia ei koe. Kiloke, a te Tiapolo ka tofotofo ne ia koutou i te pei o nisi o koutou ki te fale puipui; e tusa mo te sefulu o aso e puapuagatia ei koutou. Fakamaoni eiloa ke oko ki te mate, ko tuku atu ei ne au ki a koe a te foualiki o te ola.

11

“Ko latou kola e maua ne latou a te manumalo, e se toe fakafi'ta latou i te mate fakalua.”

Ko te Fekau ki Pelekamo

12 “Tusi la koe ki te agelu o te Ekalesia i Pelekamo penei:

“Tenei te fekau mai i a ia tela e i a ia a te pelu e 'kai feitu lua.

13E iloa ne au a te koga e nofo koe i ei, ko te koga tela e tu i ei a te nofogaaliki o Satani. E fakamaoni koe ki a au, kae ne seki gata foki eiloa a tou fakatuanaki ki a au ke oko eiloa ki te taimi ne feagai ei koutou mo aso ne tamate ei a Anitipa, ko te tino tela e molimau fakamaoni ki a au, tela ne tamate i te koga e nofo ei a Satani.

14

17

“Ko latou kola e manumalo, ka tuku atu ne au ki a latou se vaega o te manai 'funa. E tuku atu foki ne au ki a latou takitokotasi te fatu kena, tela e tusi i ei a te igoa fou, tela e seai eiloa se tino e iloa ne ia, vagana fua a ia tela e maua ne ia.”

Ko te Fekau ki Tuatila

18 “Tusi la koe ki te agelu o te Ekalesia i Tuatila penei:

“Tenei te fekau mai i te Tama a te Atua, ka ko ona mata e pela eiloa mo se afi ko ka ulaula, ka ko ona vae e pela mo se palasi ko oti ne fakamalapulapu.

19E iloa ne au au mea e fai. E iloa foki ne au a tou alofa, tou fakamaoni, au galuega, mo tou kufaki. E iloa ne au me tai uke au galuega ne fai nei i lo au galuega mua.

20

24 “A te 'toega o koutou i Tuatila, e seki tau'tali koutou ki te akoakoga masei tenei; e seki iloa foki ne koutou a te mea e taku ne nisi tino ko akoakoga 'funa kae 'loto a Satani. Au e fai atu ki a koutou me se toe fakaeke atu ne au ki a koutou se isi amoga.

25Kae e 'tau mo koutou o taofi mautakitaki ki te mea ko maua ne koutou ke oko eiloa ki toku oko atu.

26-28Mo latou kola e tafasili i te manumalo, kae tumau eiloa ki te gataga o fai a te mea e loto au ki ei, ka tuku atu ne au a te malosi foki tela ne maua ne au mai toku Tamana: Ka tuku atu foki ne au ki a latou a te malosi i luga o atufenua, ke pule ne latou fakatasi mo te tokotoko fiti, tela ka ofa likiliki ne ia ke pela me ne ulo one. Ka tuku atu foki ne au ki a latou a te fetu ao.

29 “Tela la, ko latou kola e fai'tau ki te tusi tenei; ke na faka'logo la ki muna e fai atu ne te Agaga ki Ekalesia!”