1Taina, ko se mafai ne au o faipati ki a koutou e pela mo se tino e ola faka te Agaga, kae faipati atu nei au ki a koutou e pela mo se tino e ola i te lalolagi nei, e pela eiloa mo pepe i loto i te fakatuanakiga faka‐Kelisiano.
2Epe 5.12,13Ne fagai ne au koutou ki susu, e se se meakai makeke, i te mea e seki toka koutou o talia. E oko mai ki te taimi nei, e seki toka eiloa koutou o talia,
3i te mea koi ola eiloa koutou i te olaga faka te lalolagi. Kafai e kaisano'sano koutou, kae faitaua foki te sua tino ki te sua tino, e fakamaoni ne mea konei i a koutou e ola faka te lalolagi.
41Koli 1.12Kafai e fai ake pela se tino, “Au e kau i a Paulo,” kae muna mai foki te sua tino, “Au e kau i a Apolo,” ko tona uiga e fakamaoni ne mea konei i a koutou e ola i te olaga faka te lalolagi.
5Ko oi Apolo? Ka ko oi foki Paulo? A maua ne tavini fua a te Atua, kola ne folafola atu te tala 'lei tenei ko talitonu koutou ki ei. Ne fai eiloa a ma galuega e pela eiloa mo te poloaki a te Aliki ki a maua takitokotasi:
6Galu 18.4-11; Galu 18.24-28ne toki ne au te fuaga o te tala 'lei, ka ko Apolo ne fakasiusiu ne ia te lakau, ka ko te Atua ne fakaola ne ia ke ola te lakau.
7A te tino tela ne toki ne ia te fuaga mo te tino foki tela ne fakasiusiu ne ia, e se tāua. Ko te Atua eiloa e tāua me ne fakaola ne ia ke ola te lakau.
8E seai se kesega o te tino tela ne toki ne ia te fuaga mo te tino tela ne fakasiusiu ne ia; kae ka maua te 'togi o galuega a maua, e fakatau ki te fua o te galuega a te tino ne fai.
9Me i a maua ne tino faigaluega, e ga'lue fakatasi mō te Atua, ka ko koutou se fatoaga a te Atua.
A koutou foki ko te fale tapu o te Atua.
10Ne fakaaoga ne au a te meaalofa a te Atua ne tuku mai ki a au, i te fai ne au a te galuega a te kamuta poto o fakatakato te fakavae, kae faite ake ne Apolo i luga o te fakavae tena. Kae e 'tau mo tatou takitokotasi o fakaeteete me ka faite pefea ne tatou i luga o te fakavae tena.
11I te mea, ko leva ne fakatakato ne te Atua a te fakavae ko Iesu Keliso, ko te fakavae tonu eiloa tena e tasi, kae seai ake foki eiloa se isi fakavae e 'tau o toe fakatakato.
12A nisi tino ka fakaaoga ne latou aulo, io me ko siliva, io me ko fatu taua o faite ake ei se fale i luga i te fakavae; ka ko nisi tino, ka fakaaoga ne latou a lakau, io me ko mouku, io me ko lau o saito mo ato olotou fale.
13Ka lavea te tāua o galuega a te tino, manafai ko fakaasi mai ne te Aso o Keliso. Me i te afi o te fakamasinoga i te Aso tena, ka fakaasi mai katoa ne ia a galuega a tino katoa; ka tofotofo ne te afi kae fakaasi mai foki tena aoga tonu.
14Kafai se tino e faite i luga i te fakavae ko Keliso, kae sao mai i te afi, e maua ne ia te taui o ana galuega.
15Kae kafai e 'ka a galuega a se tino i te afi, ko 'galo ana mea; kae ola eiloa a ia, e pela me se tino ne sao mai te afi.
16 1Koli 6.19; 2Koli 6.16 E iloa tonu eiloa ne koutou, me i a koutou ko te fale tapu o te Atua, kae ola foki i loto i a koutou a te Agaga o te Atua!
17Tela la, so se tino e fakamasei ne ia te fale tapu o te Atua, ka fakamasei a te tino tena ne te Atua. I te mea e 'malu te fale tapu o te Atua, ka ko koutou eiloa ko tona fale tapu.
18Ke se taku fakavalea ifo a te tino ki a ia eiloa. Kafai se tino i a koutou e mafaufau ake pela i a ia se tino poto i mea faka te lalolagi, e 'tau o fai mo vale, ko te mea ke poto.
19Iopu 5.13Me ko te mea tela e manatu ki ei te lalolagi nei me se poto, se mea valea fua i te Atua. E pela mo muna a te Tusi, “Ne malei ne te Atua a tino 'poto i olotou poto,”
20Sala 94.11kae toe muna mai foki a te Tusi, “E iloa ne te Aliki me i mafaufauga o tino 'poto ne mea se aoga fua.”
21Tela la, e se 'tau mo so se tino o fakamatamata ki mea o te lalolagi nei, me ne avatu ne ia ki a koutou a mea katoa.
22A Paulo, Apolo, mo Petelu, ko te lalolagi tenei, te ola mo te mate, ko mea i aso nei io me ko mea konei ka oko mai, e a koutou katoa a mea kona,
23ka ko koutou e a Keliso, ka ko Keliso e a te Atua.
Who We AreWhat We EelieveWhat We Do
2025 by iamachristian.org,Inc All rights reserved.
