1 Sala 110.1 Tenei te pogai o mea konei e faipati atu ne tatou: e isi se tou faitaulaga pule pena, tela e nofo i te koga taua ki te feitu fakaatamai o te nofogaaliki o te Tupu 'Malu i te lagi.
2E galue fakafaitaulaga pule i te Koga e Sili i te Tapu tela ko te tinā fale tapuaki ave sale i malaga, tela ne faite ne te Aliki, kae seki faite ne se tino.
3A faitaulaga pule katoa ko tofia ke ofo atu ne latou a taulaga, pela foki mo manu vaefa ko tuku atu ke fai mo taulaga ki te Atua; tela la, a te tou faitaulaga pule e 'tau foki o isi sena taulaga e ofo atu.
4Moi nofo a ia i te lalolagi, penei e se fai eiloa a ia mo faitaulaga, i te mea e isi foki eiloa ne faitaulaga e ofo atu ne latou a taulaga, e pela eiloa mo te Tulafono faka-Iutaia.
5Eso 25.40A te galuega fakafaitaulaga tela e fai ne latou, se fakatusa fua io me se ata o te mea tonu tela i te lagi. E pena foki eiloa a Mose. I tena faiga o fakatu te fale tapuaki ave sale i malaga, ne muna atu te Atua ki a ia, “Ke tonu eiloa te faiga o mea katoa, ke pela eiloa mo te fakaasiatuga o te ata ki a koe i luga i te mauga.”
6Ka ko Iesu, ko oti ne tuku atu ki a ia a te galuega fakafaitaulaga e sili atu i olotou galuega, e pela eiloa mo te sili o te 'lei o te feagaiga ne osi ne ia i te va o te Atua mo tino, i te mea ne fakavae tonu i luga i folafolaga o mea e sili atu i te 'lei.
7Moi fai ne 'lei a te feagaiga muamua, penei e se toe manakogina te lua o feagaiga.
8Iele 31.31-34Ka ko te mea ne maua ne te Atua te masei mai i ona tino, tela fai atu ei a ia penei:
“E oko mai aso, muna a te Aliki,
E fai ei ne au se feagaiga fou mo tino Isalaelu,
Pela foki mo te matakaiga o Iuta.
9E se pau mo te feagaiga tela ne fai ne au mo olotou tupuga,
I te aso tela ne puke atu ei au ki olotou lima, o takitaki keatea mai i Aikupito.
E se fakamaoni latou ki te feagaiga ne fai ne au mo latou,
Ne seki fia saga atu foki au ki a latou, muna a te Aliki.
10Tenei la te feagaiga e fai ne au mo tino Isalaelu,
Mai tua o aso kona, muna a te Aliki:
E tuku atu ne au aku tulafono ki olotou mafaufau,
Kae tusi foki ne au i olotou loto.
E fai au mo olotou Atua,
Kae fai latou mo oku tino.
11E seai se tino i a latou e akoako ne ia te sua tino o tona fenua,
Io me se tino e fakailoa atu ne ia ki te isi tino o tona fenua penei:
‘Ke iloa ne koe te Aliki.’
Me ka iloa katoa ne latou au,
Mai te tino tafa se taulia, ke oko eiloa ki te tino tafa sili i te maluga o latou.
12E alofa au ki olotou amio masei,
E se toe mafaufau foki au ki olotou agasala.”
13Ko te faipati ki te feagaiga fou, ko tona uiga ko fakaseaoga ne te Atua te feagaiga muamua; ia, so se mea ko gasolo o leva io me o masei, ko gasolo eiloa o galo atu.
Who We AreWhat We EelieveWhat We Do
2025 by iamachristian.org,Inc All rights reserved.
