FILIPI Fakatomuaga - Tuvalu Revised Bible

Fakatomuaga Te Tusi a Paulo ki tino Filipi ne tusi ki te Ekalesia muamua tela ne fakatu ne Paulo i luga o te laukele o Eulopa, i te kogā fenua o Loma ko Maketonia. Ne tusi a ko te apositolo e pei i te falepuipui, i te taimi foki loa tela ne feagai tonu ei a ia mo te fakalavelave, ona ko te 'teke mai ki a ia, a nisi o taina Kelisiano kola ne ga'lue fakatasi mo ia, kae ne fanoanoa foki a ia ona ko akoakoga se 'tonu i loto o te Ekalesia i Filipi. Kae e ui ei a te tusi tenei e manava mai ne ia a te fiafia mo te mautinoa, tela e mafai fua o fakamatala ne Paulo, mai te 'loto o tena fakatuanaki ki a Iesu Keliso.Te pogai ne tusi fakavave ei a te tusi, se fakatokaga ke fakaoko i ei a te agaga fakafetai ki Kelisiano i Filipi, ona eiloa ko meaalofa kola ne aumai ne latou mo fesoasoani ki a ia, i te taimi ne manakogina ei ne ia se fesoasoani. Ne fakaaoga ne ia a te avanoaga tenei, ke fakapatonu atu ki a latou, ko te mea ke maua ne latou a te loto 'toa mo te mautinoa, mai i fakalavelave e uke ne feagai mo ia, e pela foki mo latou. A ia ne fakatagi ke ola ne latou a uiga filemu o Iesu, kae ke se pulegina latou ne uiga kaiu mo te fakamatamata. Ne toe fakamasaua foki ne ia ki a latou, me i te olotou olaga 'soko fakatasi mo Keliso, se meaalofa o te alofa tauanoa o te Atua, tela ne maua ne latou i te fakatuanaki, kae se mai i te olaga fakamaoni o latou ki faifaiga o te Tulafono faka Iutaia. Ne tusi ne ia a te olaga fiafia mo te filemu tela e tuku ne te Atua ki a latou kola e 'soko fakatasi mo Keliso.A te tusi tenei e fakamailoga ki fakamatalaga ki luga o te fiafia, mautinoa, fusifakatasi mo te kausakiga i te fakatuanakiga faka-Kelisiano mo te olaga. E fakaasi foki ei a te alofa 'nau o Paulo ki te Ekalesia i Filipi.Ko Fakasologa o MataupuFakatomuaga (1.1-11)Olaga totino o Paulo (1.12-26)Olaga i a Keliso (1.27—2.18)Fuafuaga ki a Timoteo mo Epafeloti (2.19-30)Fautuaga ki fili mo mea fakamataku (3.1—4.9)Paulo mo tena taugasoa Filipi (4.10-20)Fakaotiga (4.21-23)