2 IOANE 1 - Tuvalu Revised Bible

1Mai te Toeaina.

Ko tusi atu au ki te Fafine Filifilia mo ana tama, tela e alofa tonu au ki ei. E se ko au fua, kae pela foki a latou katoa kola e iloa ne latou a te mea tonu, ko a'lofa atu ki a koe,

2me e mautakitaki eiloa i a tatou a te mea tonu, kae ka tumau i a tatou ke oko ki te se gata mai.

3Ke tuku mai ki a tatou ne te Atua te Tamana mo Iesu Keliso, tela ko te Tama a te Tamana a te alofa tauanoa, te alofa 'nau, mo te filemu; ke fai ma tatou i te agaga o te mea tonu mo te alofa.

Ko te Mea Tonu mo te Alofa

4Ko oko eiloa i toku fiafia me ko iloa ne au, me e isi eiloa ne otou tamaliki e ola i te mea tonu, e pela eiloa mo te fakatonu mai o te Tamana ki a tatou.

5 ki ei, ka ke maua ne koutou a te taui katoatoa.

9So se tino e se tumau i akoakoga a Keliso, kae se fano tonu i ei, e se maua ne ia te Atua. So se tino e tumau i akoakoga a Keliso, e i a ia te Tamana mo te Tama.

10Tela la, kafai e isi se tino e vau ki a koutou, kae e se aumai ne ia te akoakoga tenei, ke se talia ne koutou a ia i otou fale; sa fakamanuia atu foki ki a ia penei, “Ke i a koe te filemu.”

11So se tino o koutou e fakamanuia atu ki a ia, ka fai mo ona taugasoa i faiga o mea masei e fai ne ia.

Ko Muna Fakapalele

12E uke a mea konei e fia taku atu ne au ki a koutou, kae e se 'tau mo au o tusi atu i se pepa mo se vaitusi; ka ko au e fakamoemoe o asiasi atu ke fai'pati faka'lei tatou ki ei, ko te mea ke katoatoa te fiafia o tatou.

13Ko alofa atu a tama a tou Taina Filifilia ki a koe.