1 Tela la, e ma'nako foki matou ke alofa koutou ki te galuega alofa tenei.
8E se fai atu ne au te mea nei e pela mo se fakatonuga, ka ko fakaaoga ne au te toaga o nisi Kelisiano, e fai mo auala e fakamaonia ei te lasi o te otou alofa.
9Me iloa ne koutou a te alofa tauanoa o te Aliki ko Iesu Keliso: ko tuku ne Iesu Keliso tena 'malu fakatupu ona ko koutou, ke fai a ia mo tino mativa i tena vauga ki te lalolagi i se auala fatauva, ko te mea ke mauko'loa koutou i te koloa faka te Agaga.
10Tenei toku manatu mō te mataupu tenei: e 'tau mo koutou nei o fakapalele te otou galuega tela ne kamata ne koutou i te tausaga ko teka. Me i a koutou, ko tino muamua eiloa ne ma'nako o fai te galuega, kae ne fia'fia foki eiloa koutou o fai te galuega.
11Tela la, ga'lue o fakapalele te galuega tena! Ke loto fia'fia koutou o fakapalele, e pela eiloa mo te fiafia mai te kamataga o fuafua ne koutou, kae ke fai ne koutou ki mea kona e iai i a koutou.
12Me kafai e fia'fia koutou o fai meaalofa atu, e talia faeloa ne te Atua otou meaalofa i mea kola e maua ne koutou.
13Au se manako ke ave katoa otou tupe, i a koutou mana ola fi'ta.
14Kae ona ko te uke otou tupe ne faka putuputu i te taimi nei, tela la, se mea 'tau ke fesoasoani koutou ki a latou kola e mu'tana olotou tupe ne faka putuputu. Me kafai ko mu'tana otou tupe ne fakaputuputu kae uke olotou tupe ne faka putuputu, ka fesoasoani mai latou ki a koutou. I te feitu la tenei, ko fakatau fesoasoani eiloa koutou i a koutou eiloa.
15Eso 16.18 E pela mo muna a te Tusi,
“Ko te tino e uke ana mea ne faka putuputu
E se uke foki ana mea e 'toe,
Ka ko te tino e mu'tana ana mea ne faka putuputu
E se mativa foki i se mea.”
16Kae fakafetai ki te Atua tela ne tuku ne ia te loto toaga ki a Tito ke fesoasoani ki a koutou, e penei mo matou e fesoasoani ki a koutou.
17E se gata i te talia ne ia te motou fakatagi, kae ne fiafia foki eiloa a ia i tona loto lagona; tela, mafaufau ei a ia o fanatu ki a koutou.
18E olo atu laua fakatasi mo te sua taina kelisiano o matou, tela ko iloga a ia i Ekalesia katoa e tusa mo tena galuega ko te folafolaga o te tala 'lei.
19Kae se gata i kona, kae ne filifilia kae tofia foki ne Ekalesia, ke faimalaga fakatasi mo matou i te motou galuega alofa tenei mō te vikiga o te Aliki, kae o fakailoa atu foki i a matou e fia'fia o fesoasoani.
20Ko oko eiloa i te motou fakaeteete mo a ma 'tupu ne tala se 'lei e uiga ki te motou faifaiga ki te meaalofa tenei.
21Faata 3.4 A te pogai tonu o te motou galuega, ko te fai o te mea tonu, e se i mua fua o te Aliki, kae pela foki i mua o tino.
22Tela la, ko tuku ne matou te motou taina ke olo atu mo laua, me ne tofotofo fakauke foki ne matou, kae e iloa ake ne matou me fiafia faeloa a ia o fesoasoani atu. Kae nei, ona ko te lasi o tena talitonu mo tena loto katoa ki a koutou, tela la, ko oko foki eiloa i tona fiafia o fesoasoani atu.
23Kae pela mo Tito, a ia ko toku takaga ne ga'lue tasi maua o fesoasoani atu ki a koutou; e pena foki eiloa a isi taina o matou kola e olo atu fakatasi mo ia; ko avefekau a Ekalesia mō te vikiga o Keliso.
24Tela la, fakaasi atu ki a latou te otou alofa, ko te mea ke talitonu ki ei Ekalesia katoa, me tonu eiloa a te mea e fakamata'mata sale ei matou e uiga ki a koutou.
Who We AreWhat We EelieveWhat We Do
2025 by iamachristian.org,Inc All rights reserved.
