1Ne taku faka'lei mai eiloa ne te Agaga Tapu me ka tiakina ne nisi tino a te fakatuanaki i aso fakamuli; kae ka faka'logo foki latou ki agaga 'loi kae tautali foki ki akoakoga a temoni.
2A akoakoga konei ne maua mai i tino fai togafiti kae ne tino 'loi foki, kae 'mate foki olotou mafaufauga 'lei, e pela me ne 'sunu ki se fiti 'vela.
3A tino kona e akoako ne latou, me se mea 'se te avaga o te tino, pela foki te kai ki nisi meakai. Ka ko te Atua ne fai ne ia meakai konei ke kai ne tino kelisiano kola ko iloa ne latou te munatonu, manafai ko oti te lotou 'talo fakafetai.
4E 'lei a mea katoa ne faite ne te Atua. E seai se mea e tiakina, kae ka talia mea katoa i te fakafetai;
5me fakamanuia a mea konei i mua o te Atua, e alatu i tena muna mo te 'talo.
Ko te Tavini Fakamaoni a Keliso Iesu6Kafai e akoako ne koe a mea konei ki taina kelisiano, ka fai koe mo tavini fakamaoni a Keliso Iesu, e kai foki koe faka te agaga ki muna o te fakatuanaki, mo akoakoga tonu kola ne tautali koe i ei.
7Ke faka'mao keatea koe mai 'tala 'kai va'lea o te pouliga mo te se tonu, kola e se aoga manafai e tala atu. Fakamasani ki te olaga amio Atua.
8E isi foki se aoga o fakamalosiga faka te foitino, kae sili atu eiloa i te aoga o fakamalosiga faka te agaga i feitu katoa, me folafola mai ne ia te ola i aso nei mo te ola ka oko mai.
9Se muna tonu eiloa tenei, ke talia katoatoa kae talitonu ki ei.
10Tatou e kausaki kae e ga'lue malosi, me ko oti ne tuku katoatoa te tou fakamoemoega ki te Atua ola tela ko te Fakaola o tino katoa, kae maise eiloa a latou kola e talitonu.
11Fakatonu kae akoako atu a mea konei.
12Ke mo a se tino e manatu mama i a koe koi tamaliki, ka ke fai koe mo fakaakoakoga ki tino fakatuanaki, i tau faipati, i tau amio, i tou alofa, i tou fakatuanaki, mo tou loto 'ma.
13Tuku atu ou taimi mo tou malosi o faitau atu te Tusi Tapu ki tino, pela foki te lauga atu mo te akoako atu, ke oko eiloa ki toku oko atu.
14Ke se fakaseaoga ne koe te meaalofa faka te agaga tena e i a koe, tela ne tuku atu ki a koe i muna fakapelofeta, kae fakaeke foki a lima o toeaina ki luga i a koe.
15Ke fai ne koe a mea konei kae tuku katoatoa atu tou ola mo latou, ko te mea ke matea ne tino katoa tou gasolosolo ki mua.
16Ke matapula koe, kae tausi faka'lei ki au akoakoga, kae fai eiloa ne koe i taimi katoa, me kafai e fai ne koe, ka fakasao ne koe a koe eiloa, pela foki mo latou kola e faka'logo mai ki a koe.
Who We AreWhat We EelieveWhat We Do
2025 by iamachristian.org,Inc All rights reserved.
