1Ne tuku mai ne te Aliki ki a Mose
2a fakatonuga konei mo tino Isalaelu: “Kafai ko ulu atu koutou ki te fenua o Kanana, tela ka avatu ne au mo koutou, masaua me konei a tuakoi o te otou fenua.
3A te tuakoi ki saute e fanatu mai te Vao o Sina o fano ki te tuakoi o Etoma. E kamata mai i te saegala i te mata ki saute o te Tai Mate.
4Mai kona ko fano ei pela ki saute o fano ki te auala i Akalapima, o fano eiloa i loto i te Vao o Sina ke oko eiloa ki Katesa Paenea i saute. Mai i kona ko fano ei pela ki matu togala ki Hasala Ata ke oko ki Asamona,
5kae mai kona ko fano ei pela ki te vanu i te tuakoi o Aikupito kae gata i te Tai Metitilani.
6“A te tuakoi ki te togala, ko te Tai Metitilani.
7“A te tuakoi ki matu e fanatu mai i te Tai Metitilani ke oko ki te Mauga o Holo,
8kae mai kona ke oko ki te Auala o Hamata. Ka fanatu eiloa ke oko ki Setata
9o fanatu eiloa ki Sifolono, kae gata mai, mai Hasala Enanu.
10“A te tuakoi ki te saegala e vau mai Hasala Enanu ke oko ki Sefama.
11Mai i kona ko fano faka saute ki Hapelu, i te feitu ki te saegala o Aino, ke oko ki mauga foliki i te matafaga ki te saegala o te vai o Kalilaia,
12kae mai kona, ko fano ei pela ki saute o tautali i te Vaitafe o te Iolitana ke oko ki te Tai Mate.
“Kona a tuakoi e fa o te otou fenua.”
13 Nume 26.52-56 Iosu 14.1-5 Tena ne fai atu ei a Mose ki tino Isalaelu penei, “Tenei te fenua tela ka maua ne koutou i te faiga o te vili, te fenua tela ko oti ne fakasino ne te Aliki mo te toko iva matakaiga, pela foki te afa o te matakaiga o Manase.
14A matakaiga o Kato mo Leupena, mo te sua afā o te matakaiga o Manase ko oti ne maua te olotou vaega, tela ne vaevae eiloa i olotou kaiga,
15i te feitu ki te saegala o te Iolitana, kae 'luta tonu mo Ieliko.”
Ko Takitaki ka Fesoasoani i te Vaevaega o te Fenua16Muna a te Aliki ki a Mose,
17“Ko Eleasalo te faitaulaga mo Iosua te tama a Nuno ka feagai mo te vaevaega o te fenua i tino Isalaelu.
18Puke mai foki e tokotasi te takitaki mai matakaiga takitasi ke fesoasoani ki te vaevaega o te fenua.”
19-28Konei a igoa o tagata ne filifili ne te Aliki:
Te Matakaiga
Te Takitaki
Iuta
Kalepo te tama tagata a Iefune
Simeona
Selumielu te tama tagata a Amiuta
Peniamina
Elitata te tama tagata a Tisilona
Tanu
Puki te tama tagata a Iokila
Manase
Hanielu te tama tagata a Efota
Efalaima
Kemuelu te tama tagata a Sifatana
Sepulona
Elisafana te tama tagata a Panako
Isakala
Palatielu te tama tagata a Asana
Asela
Aiuta te tama tagata a Selomi
Nafatali
Petaelu te tama tagata a Amiuta
29Kona a igoa o tagata kola ne fili ne te Aliki ke vaevae te fenua o Kanana mo tino Isalaelu.
Who We AreWhat We EelieveWhat We Do
2025 by iamachristian.org,Inc All rights reserved.