1Se muna tonu eiloa tenei: Kafai se tino e fia fai a ia mo takitaki o te Ekalesia, e manako a ia ki galuega 'lei.
2 e 'tau o lava tona fakautauta, te kufaki, mo te amio 'malu. E 'tau foki mo ia o talimalo a tino fakaalofa i tona fale; e 'tau foki o poto a ia i te akoako atu.
3E se 'tau foki mo ia o konā io me fakatupu fakalavelave, kae ke fai a ia mo tino aga'lei kae filemu. E se 'tau foki mo ia o matatupe.
4E 'tau foki mo ia o iloa o pulepule faka'lei tona kaiga, ka ke fai ne ia ana tamaliki ke faka'logo ki a ia i mea katoa.
5Kafai ko te tino ko se mafai ne ia o pulepule faka'lei tona kaiga, ka mafai la pefea ne ia o pulepule te Ekalesia a te Atua?
6E se 'tau ki ei te tino fatoa 'fuli; i te mea ma 'fete i te fakamatamata ko fakasala ei a ia, e pela mo te tiapolo.
7E 'tau ki ei a te tino tela e fakaaloalogina ne tino mai tua o te Ekalesia, ko te mea ke se fakalumalumagina a ia, ko se paku atu ei a ia ki te malei a te tiapolo.
Ko Tiakono i te Ekalesia8A tiakono foki, e 'tau eiloa ne tino amio 'lei kae fai mea tonu. E se 'tau foki o inu malosi ki uaina io me kaimanako.
9Ke taofi mau eiloa ne latou a te feitu lavea o te fakatuanaki mo te loto 'ma.
10E 'tau o muamua latou o tofotofogina; tela la, kafai e manumalo latou i te tofotofoga, ko mafai ei ne latou o ga'lue i te Ekalesia.
11A olotou avaga foki e 'tau ne fafine e amio 'lei, kae se gutu fatufatu. E 'tau mo latou o fakautauta kae fakamaoni i mea katoa.
12E 'tau eiloa o tokotasi te avaga a te tiakono, ka ke mafai foki ne ia o pulepule 'lei ki ana tamaliki pela foki tona kaiga katoa.
13Ko tino kola e fai ne latou a galuega 'lei fakatiakono, e maua ne latou te taku'leia, kae e mafai foki ne latou o fai'pati mo te se ma'taku, e uiga ki te fakatuanaki tela e a tatou i te 'soko fakatasi mo Keliso Iesu.
Ko te Mea 'Funa Sili14Au e fakamoemoe o fanatu ki a koe, kae tusi atu fua ne au a fakatonuga konei, ko te mea
15kafai e tai tuai atu au, ka ko iloa ne koe a te mea e 'tau o fai ne te tino i te kau kaiga o te Atua, tela ko te Ekalesia a te Atua ola. A te tino o te Ekalesia ko te pou mo te lagolago o te munatonu.
16E seai se tino e mafai ne ia o fakafiti te sili o te mea 'funa a te tou lotu!
Ne fakaasi mai a ia i te foitino tagata,
Ne fakaasi mai tena amiotonu ne te Agaga,
Kae ne matea foki ne agelu.
Ne folafolagina a ia ki fenua,
Ko talitonu foki te lalolagi ki a ia,
Ne avake foki a ia ki te lagi.
Who We AreWhat We EelieveWhat We Do
2025 by iamachristian.org,Inc All rights reserved.
