ESEKIELU 43 - Tuvalu Revised Bible

Te Aliki ko Foki Mai ki te Faletapu

1Ne avatu au ne te tagata tena ki te mataloa tela e fakasaga ki te saegala,

2 o olotou tupu i te koga tenei.

8A tupu ne faite ne latou a mataloa mo pou mataloa o olotou palesi i tafa o mataloa mo pou mataloa o toku Faletapu, tela la, ko te pui fua e va ei matou. Ne fakamasiasi ne latou toku igoa tapu i amioga masei katoa a latou ne fai, tena la, ne ta fakapalele ne au latou i toku kaitaua.

9Ko tau nei o fakagata te tapuaki atu o latou ki nisi atua, kae ke ave keatea a foitino mate o olotou tupu. Kafai e fai ne latou, kae ka nofo au i a latou ki te se gata mai.”

10Ne faipati mai eiloa te Aliki, ana muna, “Te tagata ola, fai atu ki tino Isalaelu e uiga ki te Faletapu, kae tuku atu ke sukesuke fakalei latou ki te ata o te Faletapu. Fakamasiasigina latou ona ko olotou uiga fai agasala.

11Kafai ko lagona ne latou te masiasi i olotou mea ne fai, ko fakamalamalama atu ei ne koe a te ata o te Faletapu ki a latou: ko te ata o te Faletapu, ko ana mataloa ki loto mo mataloa ki tua, ko tena foliga, te fakatokaga o mea katoa i ei, mo ona tulafono katoa. Tusi ki lalo a mea katoa kona mo latou, ko te mea ke lavea ne latou a te fakatokaga o mea katoa ke mafai ei ne latou o tautali i tulafono katoa.

12Tenei te tulafono o te Faletapu: A te laukele katoa i tafatafa o te Faletapu i luga i te mauga e tapu kae malu.”

Ko te Fatafaitaulaga

13 Eso 27.1,2; 2NTupu 4.1 Konei a fua o te fata-fai-taulaga, e fakaaoga foki a te fua pela mo te fuaga o te Faletapu. I lalo i te fakavae o te fata-fai-taulaga e isi se alavai e limasefulu senitimita te poko kae limasefulu senitimita te lauefa, mo ona kaugutu i te feitu ki tua e luasefulu lima senitimita te maluga.

14A te fata ki lalo o te fata-fai-taulaga, mai i te feitu ki luga o te fakavae, e tasi te mita te maluga. A te sua fata e tai fakasilia mai i kaugutu, e tusa mo te limasefulu senitimita fakatamilo, kae e lua mita te maluga. A te sua fata ki luga atu e fakasilia foki mo kaugutu e tusa mo te limasefulu senitimita fakatamilo.

15A te fata ki luga tenei, tela e sunu ei a taulaga, e lua mita foki te maluga. A nifo i matulimanu e fa e maluga atu i te feitu ki luga katoa.

16A te koga i luga o te fata-fai-taulaga e sikuea, e taki ono mita i feitu katoa.

17A te fata i te kogaloto e sikuea foki, e taki fitu mita i feitu takitasi, mo tena kaugutu i te feitu ki tua e luasefulu lima senitimita te maluga. (A te alavai e luasefulu lima senitimita te lauefa.) A sitepu ki luga i te fata-fai-taulaga e tu i te feitu ki te saegala.

Ko te Fakatapuga o te Fatafaitaulaga

18 Eso 29.35-37 A te Aliki Sili ne faipati mai ki a au penei, “Te tagata ola, fakalogo mai ki aku muna konei ki a koe. Kafai ko oti ne faite a te fata-fai-taulaga, e tau o fakatapu ne koe o sunu a taulaga i luga i ei kae ligiligi a toto o manu kola ne ta mo fai a taulaga i luga i ei.

19Ko faitaulaga fua i te matakaiga o Levi, kola ne 'tupu mai i a Satoka, ko latou fua kona e mafai o o'mai ki oku mua o tavini mai ki a au. Ko au, te Aliki Sili, ne fai ne au a te fakatonuga tena. Ka tuku atu ne koutou ki a latou se tama pulumakau tagata ke ofo mo fai te taulaga mo agasala.

20E tau o ave ne koe ne mu toto o te taulaga tena o tuku ki luga i nifo i matulimanu o te fata ki luga o te fata-fai-taulaga, pela foki ki matulimanu o te fata i te kogaloto, mo ona kaugutu katoa. I te faiga tena e fakama ei ne koe a te fata-fai-taulaga, kae fakatapu foki.

21E tau o puke ne koe a te pulumakau tagata tela ne ofo mo fai te taulaga mo agasala, o ave o sunu i te koga ne fakasino atu i tua o te lisi o te Faletapu.

22I te aso mai i tua ifo, ka puke ne koe se kouti tagata seai sena pona, o ofo mo fai te taulaga mo agasala. Fakama ne koe te fata-fai-taulaga ki tena toto e pela mo te faiga a koe i te pulumakau.

23Kafai ko oti ne fai ne koe a te mea tena, puke mai se tama pulumakau tagata, mo se tama mamoe tagata, kae e seai katoa ne pona,

24o aumai ki a au. Ka fakamatulutulu atu ne faitaulaga a masima ki ei kae sunu mo fai te taulaga ki a au.

25I aso takitasi o aso e fitu, e tau o ofo mai ne koe se kouti, se pulumakau tagata, mo se mamoe tagata mo fai te taulaga mo agasala. A manu katoa kona e se tau o isi ne pona.

26E fitu aso e fai ei ne faitaulaga a te fakatapuga o te fata-fai-taulaga, kae fakatoka ke toka o fakaaoga.

27Kafai ko palele te vaiaso tena, ko kamata ei faitaulaga o ofo mai i luga i te fata-fai-taulaga a taulaga sunu mo taulaga fakafetai a tino. Tena la, ko fiafia ei au ki a koutou katoa. Ko au, te Aliki Sili, tena ne faipati atu.”