2 TUPU 11 - Tuvalu Revised Bible

Ko Atalia, te Matua o te Tupu o Iuta(2NTupu 22.10—23.15)

1I te logoga o Atalia, te matua o te Tupu ko Asaia, i tena tama ko mate, tena ne fai ei tena fakatonuga ke tamate katoa a tino i te kaigā tupu.

2Ko te tama tagata eiloa a Asaia, ko Ioasa ne sao. A Ioasa ne fai eiloa ka tamate fakatasi mo tino kola ne tamate, kae ne fakasao a ia ne Ieosepa te tama fafine a Ieolamo, kae ko te afā tuagaene o Asaia. Ne ave ne Ieosepa a Ioasa mo tena neesi ki loto i te potu 'moe i te Faletapu o fakamuni mai i a Atalia, tena seki tamate ei a ia.

3E ono tausaga ne tausi ei ne Ieosepa a te tamaliki tena o fakamuni eiloa i loto i te Faletapu, ka ko Atalia i te taimi tena ko te tupu fafine.

4I te fitu o tausaga, ne uga te fekau a te faitaulaga ko Ieoiata ki ofisa kola e pule i sotia tiute a te tupu mo sotia tiute o te palesi, kae fai ki ei ke olo atu ki a ia i te Faletapu. Ne fakatauto ne ia latou ke loto ki te mea tela ko oti ne fuafua ne ia. Ne fakaasi atu ne ia ki a latou a te tama tagata a te Tupu ko Asaia tela ko Ioasa,

5kae tuku atu ne ia mo fakatonuga konei ki a latou: “Kafai ko tu koutou o tiute i te Sapati, e tasi vae tolu o koutou e leoleo te palesi;

6te sua tasi vae tolu e leoleo te Mataloa o Sula, ka ko te sua tasi vae tolu e leoleo te mataloa o te fa'kai, mai tua o sotia kona e leoleo i ei.

7A potukau e lua kola e se tu i te Sapati, e olo o leoleo i te Faletapu o tausi te tupu.

8E tau o tausi faka'lei ne koutou a te Tupu ko Ioasa mo otou pelu e 'tau o toka faeloa, kae sa tiakina eiloa ne koutou. So se tino e fakapilipili mai ki otou tafa e tamate.”

9Ne faka'logo eiloa a ofisa ki te fakatonuga a Ieoiata, tena ne o'mai ei mo olotou kau ki a ia, ko latou kola e se tu i te Sapati mo latou kola e tu.

10Ne tuku atu ne Ieoiata ki ofisa kona a tao mo talita kola e a te Tupu ko Tavita, kae ne tausi eiloa i te Faletapu.

11Ne fakatulaga ne ia a te kau sotia mo olotou pelu i olotou lima, i mua o te faletapu, ke tausi ne latou a te tupu.

12Tena ne fanatu Ieoiata o taki atu a Ioasa ki tua, fakafou atu mo te kalauna ki tena ulu, kae tuku atu ki a ia a te pepa e tusi ei a tulafono e uiga ki te tulaga fakatupu. Tena, ne faū ei a Ioasa kae fakasalalau atu me ko fai mo tupu. Ne pati lima te vaitino kae kalaga penei, “Ke ola loa te tupu!”

13Ne lagona ne Atalia a te ua'te mai o te vaitino mo sotia, tena ne fakavave atu ei a ia ki te Faletapu, e maopoopo mai i ei a tino.

142Tupu 23.3 I kona, ne lavea ei ne ia a te tupu fou e tu mai i tafa o te pou i te mataloa o te Faletapu, me e pena eiloa te aganu i kona. A Ioasa e nikoi ne ofisa mo tino fakatagi pu, mo tino e ka'laga fiafia kae faka'tagi a pu. Ne saesae a gatu o Atalia i te fanoanoa kae kalaga atu penei, “A koutou ko teke ki te tupu!”

15A Ieoiata e se manako ke tamate a Atala i loto i te Faletapu, tena ne fakatonu atu ei a ia ki ofisa o te kautau penei, “Puke atu a Atalia kae taki atu i te va o laina sotia e lua kona e tu mai, kae tamate so se tino e taumafai o fanatu o fakasao a ia.”

16Ne puke ne latou a ia tena, avatu ki te palesi, tamate ei ne latou i te Mataloa o Solofanua.

Ko mea ne Toe fai Faka'lei ne Ieoiata(2NTupu 23.16-21)

17Ne fakamalosi ne Ieoiata a te Tupu ko Ioasa mo tino o te fenua ke talia ne latou te feagaiga a latou mo te Aliki, i a latou ka fai mo tino o te Aliki; ne fai foki ne ia se feagaiga i te va o te tupu mo tino.

18Tena, ne olo atu a tino ki te faletapu o Paala, kae ofa ki lalo; ne 'foa ne latou te fata-fai-taulaga mo tupua, kae tamate foki ne latou a Matana, te faitaulaga a Paala, i mua o te fata-fai-taulaga.

Ne tuku ne Ieoiata ne sotia ke tausi te Faletapu,

19ka ko ia mo ofisa, mo sotia tausi o te tupu, mo sotia o te palesi ne olo o avatu te lotou tupu mai te Faletapu ki te palesi, kae ne tautali atu katoa mo tino i a latou. Ne ulu atu Ioasa i te Mataloa o Leoleo, nofo atu ei i luga i tena nofogaaliki.

20A tino katoa ko oko eiloa i te fia'fia, mo te fa'kai ko filemu faka eiloa me i a Atalia ko oti ne tamate atu i te palesi.

21A Ioasa ne fai mo tupu o Iuta, ka ko tusa ei mo te fitu ona tausaga.