1Sa mafaufau pela i te Aliki e vaivai ko se mafai ei ne ia o fakasao koutou, io me e tuli ona taliga ko se lagona ei ne ia te otou kalaga mō se fesoasoani!
2Ko otou agasala tena ko ala ei o se fia fakalogo mai ei a ia ki a koutou. Ko otou agasala foki ko ala ei koutou o vae keatea mai i te Atua i te taimi ne taumafai ei koutou o tapuaki atu ki a ia.
3A koutou ko agasala i te gutu loi, te fakasaua mo te tatino.
4E olo koutou ki te fono, kae e galo te mea tonu i a koutou. A koutou e fakalagolago ki fakamatalaga loi ko te mea ke manumalo koutou i te fono. E fai otou togafiti ko te mea ke fakamae ne koutou a nisi tino.
5-6A togafiti masei e fai ne koutou e pela eiloa mo fua o se gata poisini i te fakamataku. Ka foa ne koe te fua o te gata, kae puna mai ki tua te gata! E seai se lei e maua ne koutou mai i otou togafiti, e pela eiloa me se gatu ne faite ki leveleve i te se aoga!
7Loma 3.15-17 A koutou e mafaufau faeloa o fai ne amioga masei, kae e ma'nako faeloa koutou ke na fai ne koutou. E se mafai koutou o fakatuai i te tāga o tino amiotonu. A koutou e olo faeloa o ofa kae fakamasei a koga e olo koutou ki ei,
8tela la, e seai se tokagamalie i tino manafai e nofo pili atu koutou. A mea katoa e fai ne koutou ne mea se tonu katoa. A koutou e olo i te auala pikopiko, e seai eiloa se tino e sao manafai e fanatu i te auala tena.
Ko Fakaasi ne Tino Olotou Agasala9Muna a tino o te fenua penei, “Ko iloa nei ne matou a te pogai e se fakasao ei tatou ne te Atua mai i tino kola e pule fakasaua ki a tatou. A tatou ne fakamoemoe ke sasale i te mainaga, kae tela la, ko te pouliga fua,
10tena ko tolotolo fua ei tatou pela me ne tino kivi. A tatou e siga i te tutonu, e pela eiloa me se po, e pela eiloa tatou me e nofo i te lalolagi pouli o tino mate.
11A matou ko mataku kae fanoanoa. A matou e fakamoemoe ke fakasao matou ne te Atua mai i te pulega fakasaua mo te fai mea se tonu, kae e seai eiloa se mea e tupu.
12“Te Aliki, a omotou agasala ki a koe ko oko eiloa i te uke. Ko moli matou ne omotou agasala ki ou mua. Ko leva eiloa ne iloa ne matou a omotou agasala katoa.
13A matou ne teke atu ki a koe, kae ita ma tautali atu i a koe. Ne fakapuapuaga ne matou a nisi tino kae ne fulitua atu foki matou ki a koe. A omotou mafaufauga e se tonu; a omotou muna ko te loi faeloa.
14A te fakamasinoga tonu ko galo atu, a te mea tonu ko se mafai o fakapilipili mai. A te mea tonu ko se fai i te malae fono, ka ko te fakamaoni ko seai i kona.
15Ko oko eiloa i te se tokouke o tino e fai ne latou a te mea tonu, tela la, a te tino e taumafai o kalo keatea mai i amioga masei ka maua ne fakalavelave.”
A te Aliki ko Fakatoka o Fakasao tena FenuaKo oti ne lavea ne te Aliki a te mea tena, kae ko oko eiloa i tena se fiafia me ko se fai ne tino a te mea tonu.
16Isa 63.5 Ko oko eiloa i tena ofo me e seai eiloa se tino ke fanatu o fesoasoani atu ki tino puapuaga. Tela la, ka fakaaoga eiloa ne ia a tena mana o aumai te manumalo kae fakasao a latou.
17Efe 6.14,17; 1Tesa 5.8 Ka pei a ia ki te fai mea tonu e pela me se gatu tau, kae pulou ki te manumalo. Ka pulupulu a ia ki te malosi o te manako o fai a mea ke tonu katoatoa, kae fakasala kae taui atu a mea 'se ne fai ne tino.
18Ka fakasala ne ia ona fili e tusa eiloa mo mea ne fai ne latou, ke oko foki eiloa ki tino kola e nofo i fenua mao.
19A tino katoa mai i te saegala ki te togala ka mataku i tena mana malosi. Ka vau a ia e pela me se vaitafe tafe malosi, pela me se matagi malosi.
20 Loma 11.26 Muna a te Aliki ki tino o tena fenua, “Au ka vau ki Ielusalema o puipui koutou kae fakasao a koutou katoa kola e salamo mai i otou agasala.
21Kae e fai foki ne au se feagaiga mo koutou: ne tuku atu ne au toku mana mo aku akoakoga ki a koutou ki te se gata mai, tela la, mai i te taimi nei, e tau mo koutou o fakalogo mai ki a au kae akoako otou tamaliki mo tino o otou gafa ke fakalogo mai ki a au i taimi katoa mai mua nei.”
Who We AreWhat We EelieveWhat We Do
2025 by iamachristian.org,Inc All rights reserved.
