1“Kafai e olo koutou o taua ki otou fili, kae lavea ne koutou a kaliota mo solofanua mo te kautau e tokouke atu i a koutou, sa mataku ki a latou. A te Aliki te otou Atua tela ne fakasao ne ia koutou mai Aikupito e fakatasi atu eiloa ki a koutou.
2Koi tuai koutou o kamata o taua, e tau se faitaulaga o faipati ki te kautau penei,
3‘Tagata Isalaelu, fakalogo mai! I te aso nei a koutou ka olo ki te taua. Sa mataku i otou fili, io me loto vaivai, io me poi.
4A te Aliki te otou Atua ka fanatu i a koutou, kae ka avatu ne ia a te manumalo.’
5“Ka oti ko fai ei a muna a ofisa ki tagata penei, ‘E isi se tagata i a koutou ne fatoa palele tena fale ne faite kae seki fakatapu ne ia? Kafai e isi, e tau o foki ki tena fale, i a ia ma mate i te taua kae fakatapu ne se tino fakaatea.
6E isi se tagata i a koutou ne fatoa oti ne toki tena togavine kae e seki tau eiloa ne ia ona fuataga? Kafai e isi, e tau o foki ki tena fale, i a ia ma mate ei i te taua, kae fakaaoga ne se tino fakaatea.
7E isi se tino i a koutou ko oti ne fai tena feagaiga mo se tamafine ke avaga laua? Kafai e isi, ke foki ki tena fale, i a ia ma mate ei i te taua kae avaga tena feagaiga mo se tino fakaatea.’
8“Ka fai atu foki a muna a ofisa ki tagata o te kautau penei, ‘E isi se tagata i a koutou ko oko ki a ia a te mataku? Kafai e isi, e tau o foki ki tena fale, i te mea ma fakaloto vaivai ei ne ia a tino o te kautau.’
9Kafai ko oti ne faipati a ofisa ki te kautau, ko fili ei a takitaki mo potukau takitasi.
10“Kafai e olo koutou o taua ki se fa'kai, ke muamua o fesili koutou ki tino o te fa'kai tena me ko talia ne latou te lotou takavale me ikai.
11Kafai ko tala mai mataloa o olotou fa'kai me ko talia ne latou te lotou takavale, e tau o fakapologa ne koutou, ke fai ne latou a galuega a koutou.
12Kae kafai e se talia ne latou te lotou takavale, kae manako eiloa o taua, nikoi aka la ne koutou te lotou fa'kai.
13Kafai ko tuku mai ne te Aliki te otou Atua a te fa'kai tena ke fakatakavale ne koutou, tamate a tagata katoa i ei.
14E mafai o puke ne koutou ma koutou a fafine, tamaliki, manu fagai a latou, mo nisi mea aka katoa i te fa'kai. E mafai ne koutou o fakaaoga a mea a otou fili me ko oti ne avatu ne te Aliki ma koutou.
15E pena te mea e fai ne koutou ki fa'kai kola e mao mai i te fenua tela ka nofo koutou i ei.
16“Kae kafai e fakatakavale ne koutou a fa'kai i loto i te fenua tela ne avatu ne te Aliki te otou Atua mo koutou, ke tamate la ne koutou a tino katoa i ei.
17Ta fakapalele eiloa a tino katoa: tino Heti, tino Amoli, tino Kanana, tino Pelise, tino Hivi mo tino Iepuse, e pela eiloa mo te fakatonuga a te Aliki ki a koutou.
18Tamate atu latou, ko te mea ke mo a e fai ne latou a koutou ke agasala, i te akoako mai ne latou a uiga masei kola e fai sale ne latou i olotou tapuakiga ki olotou atua.
19“Kafai e taumafai koutou o fakatakavale se fa'kai, sa kati ki lalo a lakau fai fuaga i ei, faitalia foki eiloa manafai e leva eiloa te pukega o te fa'kai tena. Kai a fuataga o lakau kona, kae sa fakamaseigina a lakau; a lakau kona e se ko fili o koutou.
20E mafai o fakaaoga ne koutou a nisi lakau mo fai a kakega o koutou ki loto i te fa'kai, ke oko ki te taimi e fakatakavale ei ne koutou te fa'kai.
Who We AreWhat We EelieveWhat We Do
2025 by iamachristian.org,Inc All rights reserved.
