1 o Esau ko oti ne fulu faka'ma ne au kae fakaasi aka foki ne au olotou koga muni, ko te mea ke se toe mafai o muni. A tino Etoma katoa ko oti ne ta katoa. E seai eiloa se tino ne toe.
11A tamaliki ko mate olotou matua ke tuku mai ke tausi ne au. A fafine ko mate olotou avaga ke fakana mai ki a au.
12“Kafai a tino kola ne seki tau o fakasala kae ne inu foki eiloa ki te ipu o te fakasalaga, ko tena uiga, e seai eiloa se tino o koutou e se fakasala. E tau eiloa mo koutou o inu i te ipu o te fakasalaga!
13Ne tauto eiloa au i te fa'kai o Posala ka fai mo toafa, kae ka se kilogina eiloa i te mataga; ka fai a muna fakalili a tino ki ei, kae fakaaoga ne latou tena igoa i olotou muna fakamalaia. A fa'kai pili atu ki ei ka maofa ki te se gata mai. Ko au, te Aliki, tena ne faipati atu.”
14Ne fai atu au penei, “Etoma, e isi se fekau ko oti ne maua ne au mai i te Aliki. Ko oti ne uga mai ne ia tena avefekau ke fai ki malo ke maopoopo olotou kautau kae ke fakatoka o taua atu ki a koe.
15A te Aliki ka fai ne ia koe ke vaivai, kae ka seai se tino e fakaava atu ki a koe.
16A tou fiasili ko fakase ne ia a koe. A koe ne leake nei i tino ko oko eiloa i te mataku i a koe, kae tela la, e seai eiloa se tino e mataku i a koe. A koe e nofo i luga i kaupapa, i luga i ulu o mauga; e ui eiloa e maluga te koga e nofo ei koe e pela me se aeto, kae ka ave ifo eiloa koe ne te Aliki ki lalo. Ko te Aliki tena ne faipati atu.”
17Muna a te Aliki, “A te fakamaseiga tela ka oko mai ki Etoma ka se fakatau eiloa i te masei, tela la, a tino katoa kola e fakasili aka i te fa'kai tena ka poi kae mataku.
18 ko seai eiloa ne tino e toe i ei.
26I te aso tena, a tamataene o Tamaseko ka mate i auala o te fa'kai, mo ana sotia katoa ka mate katoa.
27Ka 'sunu ne au a pui o Tamaseko, pela foki mo te palesi o te Tupu ko Peniata. Ko au, te Aliki Malosi, tena ne faipati atu.”
Ko te Matakaiga o Ketala mo te Fa'kai o Hasola28Konei a muna a te Aliki e uiga ki te matakaiga o Ketala mo kogā fenua kola e pule ne Hasola, kola ne fakatakavale ne Nepukanesa te tupu o Papelonia: “Taua atu ki tino Ketala, kae ta fakapalele atu a te matakaiga tena mai i te saegala!
29Fao malo olotou faleie mo olotou lafu manu, mo pui laugatu o olotou faleie, mo mea katoa i loto i olotou faleie. Puke olotou kamela, kae fai atu ki tino penei, ‘A te fakamataku ko i otou feitu katoa!’
30“Tino Hasola, a au, te Aliki, ko fai atu ki a koutou ke tele koutou o muni. A te tupu o Papelonia ko Nepukanesa ko fai tena aofaga o ta koutou, kae konei ana muna,
31‘O'mai! Tatou ka olo o taua atu ki tino kona e fai pela i a latou e nofo lei kae saogalemu! A te lotou fa'kai e seai ne ona mataloa, seai foki ne loka, kae e se puipui foki.’
32“Puke olotou kamela mo olotou pulumakau! Ka fakasalalau ne au ki koga katoa a tino kola e kati mutu olotou ulu, kae ka aumai ne au a puapuaga ki luga i a latou mai i feitu katoa.
33A te fa'kai ko Hasola ka fai mo toafa ki te se gata mai, te koga e nofo i ei a manu vao ko tiakolo. E se toe ai se tino e toe nofo tumau i kona. Ko au, te Aliki, tena ne faipati atu.”
Ko Elama34I te fatoa otiga eiloa ne fakasopo a Setekaia ke fai mo tupu o Iuta, kae faipati mai te Aliki Malosi ki a au e uiga ki te fenua o Elama.
35Muna a ia penei, “Ka tamate ne au a sotia sana i matasana kola ne fai ne latou a Elama ke takutakua.
36Ka fakaagi ne au a te matagi mai i feitu katoa o Elama, kae fakasalalau ne au ona tino ki koga katoa, ke tofu a fenua katoa i tino ne sola mai i ei.
37Ka fai ne au a tino Elama ke mataku i olotou fili, kola e fia tamate ki a latou. Ka ta fakapalele ne au a tino Elama i toku kaitaua, kae uga a kautau ke taua atu ki a latou, ke oko eiloa ki te taimi e fulu faka'ma ei ne au latou.
38Ka ta ne au olotou tupu mo olotou takitaki; kae fakatu toku nofogaaliki i kona.
39Kae fakamuli ifo, ko toe fai ei ne au a tino Elama ke maumea. Ko au, te Aliki, tena ne faipati atu.”
Who We AreWhat We EelieveWhat We Do
2025 by iamachristian.org,Inc All rights reserved.
