ESEKIELU 32 - Tuvalu Revised Bible

Te Tupu o Aikupito ko Fakatusa ki te Kolokolotaila

1I te po muamua o te sefululua o masina, i te sefululua o tausaga o matou i te tafeaga, ne faipati mai te Aliki ki a au,

2ana muna, “Te tagata ola, tuku atu se muna polopoloki ki te tupu o Aikupito. Tuku atu taku fekau tenei ki a ia: Au faiga e fai, pela eiloa koe me se leona ki malo, kae tela la, a koe e pela fua me se kolokolotaila tela e kapata i loto i se vaitafe. E fakalepu ne koe a te vai ki ou vae, kae fakalailai a vaitafe.

3Kafai ko maopoopo a malo e uke, kae ka po ne au koe ki toku tili kae tuku atu ke toso ne latou a te tili ki te matafaga.

4Ka pei ne au a koe ki lalo i te laukele kae aumai a manu eva katoa mo manu vae fa o te lalolagi ke kai ne latou a koe.

5Ka fakatofu ne au a mauga mo vanu ki kogā mea pala o tou foitino mate.

6Ka ligi keatea ne au tou toto ke salalau i luga i mauga kae fakafonu i ei a vaitafe foliki.

7 kola ne olo mo olotou meatau e katoa fakalei ki te lalolagi o tino mate, a olotou pelu e tuku mai i lalo o olotou ulu, mo olotou talita i luga i olotou foitino. A tagata takutakua konei, i aso koi ola ei latou, e fakamataku ki tino ola.

28“E pena a tino Aikupito me ka takato se aoga fakatasi mo tino seki pilitome kola ne mate i taua.

29“A Etoma e i kona foki, mo ana tupu mo ana takitaki. A latou ne sotia malosi, kae nei, ko takato latou i te lalolagi o tino mate, fakatasi mo tino seki pilitome kola ne mate i taua.

30“A pelenise katoa i matu e i kona, pena foki a tino Saitonu. I aso mua, a tino ne mataku i te lotou malosi, kae nei ko olo ifo mo te masiasi, fakatasi mo tino ne mate i taua kae ko takato o malolo, kae seki pilitome. Ko kau fakatasi latou i te masiasi o tino kola ne olo ifo ki te lalolagi o tino mate.”

31Muna a te Aliki Sili, “Ka tai lei te loto o te tupu o Aikupito mo tena kautau manafai e kilo ki tino katoa kona ne mate i taua.

32“Ne fai ne au a te tupu o Aikupito ke fai ne ia a tino ola ke mataku, ka ko ia mo tena kautau katoa ka mate kae ka takato o malolo fakatasi mo tino seki pilitome kola ne mate i taua.” Ko te Aliki Sili tena ne faipati atu.