NUMELA Fakatomuaga - Tuvalu Revised Bible

FakatomuagaTe tusi o Numela e fakamatala ei a tala o te fanauga a Isalaelu, kae ko tai katoa te fāsefulu tausaga mai tua o te tiakinaga ne latou te Mauga o Sinai, ke oko ki te taimi ne oko atu latou ki te tuakoi ki te saegala o te fenua, ne tauto te Atua me ka fai mo latou. Te igoa o te tusi e fakasino ki te vaega taua o te tala, tela ko, te lauga o tino Isalaelu ne Mose i te Mauga o Sinai kae seki tiakina ne latou te koga tena, mo te lauga foki i Moapi, i te feitu ki te saegala o te Iolitana i se kautama mai tua ifo. I te vasia o te lauga muamua mo te lua o tino, a te fenua o Isalaelu ne malaga ki Katesa Paenea i te tuakoi ki saute o Kanana, kae ne seki mafai ne latou o ulu ki te fenua o te folafolaga mai i kona. Mai tua ifo o tausaga e uke ne nofo ei i kona, ne faimalaga atu ei latou ki te koga fenua i te saegala o te vaitafe ko te Iolitana, tela ne nofo ei se vaega o latou, ka ko te toega ne fakatokatoka o malaga atu ki te sua feitu o te vaitafe ki te fenua o Kanana.Te tusi o Numelase fakamatalaga o tala o tino, kola e masani o loto vaivai kae mataku, i taimi e fakafeagai ei latou mo fakalavelave kae masani o teke, ki te Atua pela foki ki a Mose, te tagata filifilia a te Atua mo 'taki latou. Te tala e fakamatala ei te fakamaoni o te Atua, i tausiga ki tena fenua, e tiga eiloa te vaivai mo te se fakalogo o latou, e pena foki mo te lotomau o Mose, ki tena tofi tavini atu mo te Atua e pena foki mo tena fenua, e ui eiloa i nisi taimi ko se maua ne ia o kufaki.Ko Fakasologa o MataupuFakatokaga o te fanauga a Isalaelu o tiakina te Mauga o Sinai (1.1—9.23)a. Laugatino muamua (1.1—4.49)e. Vaega o tulafono mo fakatonuga (5.1—8.26)i. Lua o Paseka (9.1-23)Mai te Mauga o Sinai ki Moapi (10.1—21.35)Mea ne tupu i Moapi (22.1—32.42)Tukufakatasiga o tala o te faigamalaga mai Aikupito ki Moapi (33.1-49)Fakatonuga koi tuai o olo atu i loto i te Iolitana (33.50—36.13)