TEUTELONOME 32 - Tuvalu Revised Bible

1“Te lagi mo te lalolagi, fakalogo mai ki aku muna,

Fakalogo fakalei mai ki aku pati konei e fai.

2Aku akoakoga ka to pela me ne motiga vaiua,

Kae ka pela me se sau o te vaveao i te lalolagi.

Aku pati ka to pela me se afuga vaiua ki luga i lakau foniki,

E pela me ne vaiua foniki ki luga i mouku malulu.

3Ka tavae ne au te igoa o te Aliki,

Ka ko tena fenua ka takutaku ne latou tena maluga.

4“A te Aliki ko te otou puiga malosi,

E tonu kae amiotonu i ana auala katoa;

A te otou Atua e fakamaoni kae amiotonu;

E fai ne ia te mea tonu kae nofogamalie.

5Ka ko koutou e se fakamaoni, e se tau koutou o fai mo tino o tena fenua,

A koutou se malo agasala kae amio pelo.

6Tino valea, tino seai ne mafaufau;

Tena te mea e tau o fai ne koutou ki te Aliki?

A ia ko te otou tamana, ko ia ne faite ne ia koutou,

Ne fai ne ia koutou mo malo.

7“Mafaufau ki aso ko teka, ki taimi i aso mua eiloa;

Fai ki otou tamana ke fakamatala atu a mea ne tupu,

Fai ki toeaina ke fakamatala atu a tala o aso mua.

8

Kae fola sale ona kapakau o sapo ana punua.

12Ko te Aliki eiloa tokotasi ne taki ne ia tena fenua,

Mo te seai o se fesoasoani o atua fakaatea.

13“Ne tuku ne ia ke pule latou i koga maluga,

Kae ne kai ki mea e ola i fatoaga.

Ne maua ne latou a hani vao i loto i kaupapa;

A lakau ko olive e ola lei mai i luga i laukele fatufatua.

14A olotou pulumakau mo kouti e maua mai i ei a susu e uke

Ko toe mamoe gali eiloa, e maua i te lotou fenua,

Pela foki kouti mo pulumakau,

Mo saito mo uaina.

15“Ne gasolo o maumea a tino o te Aliki, kae gasolo foki o teke;

Ko puta kae fonu i meakai.

Ne tiaki ne latou te Atua tela ne faite ne ia latou;

Ne teke ne latou a ia tela ne fakaola ne ia latou.

16Ko ita te Aliki i a latou e tapuaki atu ki nisi atua;

Ko uiga masei e fai ne latou, ko ala ei o kaitaua te Atua ki a latou.

17

Kae sunu foki ne ia a aka o mauga.

23“‘Ka aumai ne au ki a latou a mala e se mafai o gata,

Ka fakaaoga ne au aku matasana katoa o ta latou.

24Ka mate latou i te fiakai mo fiva,

Ka mate latou i masaki fakamataku.

Ka uga mai ne au a manu fekai ke ta latou,

Mo gata poisini ke u latou.

25A te taua ka aumai ne ia te mate valevale i auala o te fa'kai;

A mea fakamataku ka oko atu ki fale.

A tamataene mo tamafine ka mate;

E seai foki ne toeaina io me ne pepe e fakasao.

26Ne tau eiloa o ta fakapalele ne au a latou

Ko te mea ke se manatua latou.

27Kae e se manako au ke fakamatamata

A olotou fili o fai pela me ne

Fakatakavale ne latou oku tino,

Kae tela la, ko au eiloa ne ta ne au latou.’

28“A Isalaelu se malo seai se mafaufau;

E seai eiloa se poto i a latou.

29E se lavea ne latou te pogai ne takavale ei latou;

E se malamalama foki latou i te mea ne tupu.

30Ai a e takavale ei te toko afe i te toko tasi,

Ka ko te sefulu afe i te toko lua?

A te Aliki te lotou Atua ko se fakatasi ki a latou;

Te Atua malosi o latou ko tiaki ne ia latou.

31E iloa lei eiloa ne olotou fili i olotou atua e vaivai,

E se malosi pela mo te Atua o Isalaelu.

32A olotou fili ko se aoga valevale e pela mo Sotoma mo Komolo,

Ko pela me ne vine e fua mai ki fuataga kona kae poisini,

33Pela me ne uaina ne faite mai i mea poisini o gata.

34“E masaua eiloa ne te Aliki a te mea ne fai ne olotou fili;

E fakatali eiloa a ia ki te taimi tonu, ko fakasala ei ne ia latou.

35 Loma 12.19; Epe 10.30 A te Aliki ka taui ne ia te lotou mea ne fai, o fakasala latou;

Ka oko mai te taimi e takavale ei latou;

Te aso e malaia ei latou ko pili mai.

36 Sala 135.14 Ka fakasao ne te Aliki tena fenua,

Manafai ko lavea atu ne ia me ko seai se lotou malosi.

Ka alofa a ia ki a latou kola e tavini ki a ia,

Manafai ko lavea ne ia me ko seai se lotou mea e mafai o fai.

37Tena, kae ka fesili te Aliki ki tena fenua penei,

‘Ko fea a atua kola ne fakalagolago koutou ki ei?

38Ne fagai ne koutou ki otou taulaga,

Kae tuku atu foki ne koutou a uaina ke inu latou i ei.

Ke o'mai aka la o fesoasoani ki a koutou;

Ke tele mai o fakasao koutou.

39“‘Ko au ko te Atua e tokotasi;

E seai aka foki se atua e ola penei mo au.

E tamate ne au a tino, e ave foki ne au te ola ki a latou;

E fakapakia ne au a tino,

E fakalei foki ne au olotou pakiaga.

E seai se tino e mafai o teke ki aku mea e fai.

40Au ko te Atua e ola; ko sisi aka nei toku lima o tauto

41Me ka fakamata fakalei taku pelu malapulapu,

Kae ka onoono fakalei au ko te fai mea tonu ke fai.

Ka taui ne au te mea se lei a oku fili ne fai,

Kae fakasala a latou kola e se fiafia ki a au.

42Aku matasana ka salisali mai i ei a olotou toto

Ka ko taku pelu ka tamate katoa ne ia a tino kola e teke mai ki a au.

Ka se fakasao eiloa ne au so se tino e taua mai ki a au;

Ke oko foki eiloa ki tino pakia mo pagota ka mate katoa.’

43 Loma 15.10; Faka 19.2 “Koutou malo o te lalolagi, e tau o tavae ne koutou a tino o te fenua o te Aliki;

E fakasala ne ia a tino kola e tamate ne latou a tino o tena fenua.

E taui ne ia a amioga masei a ona fili ki fakasalaga,

Kae fakamagalo ne ia a agasala a tena fenua.”

44Ne faitau fakafokifoki mai ne Mose mo Iosua a te pese tena, ko te mea ke lagona ne tino Isalaelu.

Ko Fakatonuga Fakapalele a Mose

45I te otiga ne tuku atu ne Mose a akoakoga a te Atua ki tino,

46ne fai atu ei a ia penei, “Masaua ke tausi fakalei ne koutou a fakatonuga konei ne avatu ne au i te aso nei. Toe taku atu ne koutou ki otou tamaliki, ko te mea ke fakalogo latou ki akoakoga katoa a te Atua mo te fakamaoni.

47A muna akoako kona, e se fai pela ne muna e seai ne aoga; a muna kona ko te ola o koutou. Ka tausi koutou ki ei, kae ka ola leva koutou i loto i te fenua tena i te sua feitu o te Iolitana, tena ka puke ne koutou.”

48 Nume 27.12-14; Teu 3.23-27 I te aso foki eiloa tena, ne faipati atu te Aliki ki a Mose, ana muna,

49“Fano ki te Atu Mauga o Apalima i te fenua o tino Moapi, tela e 'luta tonu mo te fa'kai o Ieliko; kake ki luga i te Mauga o Nepo kae kilo ki te fenua o Kanana tenei ka avatu ne au mo tino Isalaelu.

50A koe e mate i luga i te mauga tena, e pela mo tou taina ko Alona tela ne mate i luga i te Mauga o Holo,

51me i a koulua ne seki fakalogo mai ki a au i mua o tino Isalaelu. I te taimi ne oko ei koutou ki Vai o Melipa, i tafa o te fa'kai o Katesa i te Vao o Sina, ne fakaseaoga ne koe au i mua o te fenua.

52Ka kilo ou mata ki te fenua tena, mai i te koga mao tenei, kae ka se oko koe ki ei, ko te fenua ne avatu ne au mo tino Isalaelu.”