2 TUPU 16 - Tuvalu Revised Bible

Ko Aasa, te Tupu o Iuta(2NTupu 28.1-27)

1I te sefulufitu o tausaga o te nofoaiga a Peka te tama a Lemalia i Isalaelu, ne fai ei a Aasa, te tama a Iotama, mo tupu o Iuta,

2ka ko luasefulu ei ona tausaga, kae ne tupu a ia i Ielusalema i tausaga e sefuluono. Ne seki tautali a ia i auala lei o tena tupuga ko te Tupu ko Tavita; kae ne fai ne ia a mea e se fiafia ki ei te Aliki tena Atua,

3 ko toe maua ne ia a te fa'kai o Elata, kae afuli keatea ne ia tino Iuta kona e 'nofo i ei. Ne 'nofo tino Etoma i te fa'kai tena, tenei eiloa koi nofo mai i ei.

7Ne uga a avefekau a Aasa ki te tupu o Asulia ko Tikila Pilesa mo te fekau penei: “Au ko tau tavini fakamaoni. Vau o fakasao mai au mai i lima o te tupu o Sulia mo te tupu o Isalaelu konei e taua mai ki a au.”

8Ne puke mai ne Aasa a siliva mo aulo mai i koga teu koloa o te Faletapu mo te palesi, ave ei ne ia ke fai mo meaalofa ki te tupu o Asulia.

9Tena ne talia ne Tikila Pilesa a te fakamolemole a Aasa, tena ne fanatu ei tena kautau ki Tamaseko, fakatakavale ne ia te fa'kai tena, kae tamate te Tupu ko Lesina, kae ave fakapagota a tino ki Kila.

10I te fanatuga o te Tupu ko Aasa ki Tamaseko o fakafetaui ki te Tupu ko Tikila Pilesa, ne matea ne ia a te fata-fai-taulaga i kona, tena ne avatu ne ia ki a Ulia te faitaulaga se fakatusa o te fata-fai-taulaga tena, pela mo mea likiliki katoa o ia.

11Tena ne faite ei ne Ulia se fata-fai-taulaga pena, kae ne oti seki oko mai a Aasa.

12I te fokimaiga o Aasa mai i Tamaseko, ne matea ne ia i te fata-fai-taulaga ko oti,

13tena ne sunu ei ana taulaga o manu vaefa mo taulaga saito i luga i ei, kae ligi atu foki i luga i ei a te taulaga uaina mo te toto o te taulaga fakafetai.

14Eso 27.1,2; 2NTupu 4.1 A te fata-fai-taulaga palasi tela ko oti ne fakatapu mo te Aliki e tu i te va o te fata-fai-taulaga fou mo te Faletapu, tela la, ne avatu ne Aasa a te fata-fai-taulaga palasi tena ki te feitu ki matū o tena fata-fai-taulaga fou.

15Tena ne fai atu ei a tena fakatonuga ki a Ulia penei: “Fakaaoga nei ne koe a taku fata-fai-taulaga tenei mo sunu a taulaga i tafataeao mo taulaga saito i afiafi. Sunu foki i luga i ei a taulaga sunu mo taulaga saito a te tupu mo tino, pela foki olotou taulaga uaina. Ligi atu ki luga i ei a te toto o manu katoa kola ko oti ne ta mo fai a taulaga. Kae tuku mai ei a te fata-fai-taulaga palasi ke fakaaoga ne au i mea fakataulaitu.”

16Ne fai eiloa ne Uila a te fakatonuga a te tupu.

17 1Tupu 7.23-39; 2NTupu 4.2-6 Ne talatala ne te Tupu ko Aasa a ka palasi kola e fakaaoga i te Faletapu kae tapale a pesini kola e tuku i ei; ne puke foki ne ia a te tani palasi tela e tu i tua o pulumakau palasi e sefululua, kae tuku atu ne ia ki luga i se fakavae fatu.

18Ne tapale foki ne Aasa te laupapa e tuku sale i ei te nofogaaliki, o ave keatea mai i te Faletapu, kae 'pono aka foki ne ia a te mataloa 'funa a te tupu, tela e ulu sāle i ei ki loto i te Faletapu. Ne fai ne ia a mea kona, ko te mea ke fiafia atu te tupu o Asulia ki a ia.

19A nisi tala e uiga ki te Tupu ko Aasa e fakamau katoa i te tusi o Te Tala Tuku Fakasolo o Tupu o Iuta.

20Isa 14.28 Ne mate Aasa kae ne tanu i tanuga o tupu i te Fa'kai o Tavita, kae ne sui a ia ne tena tama tagata ko Hesekia o fai mo tupu.