1 2Samu 8.11; 1NTupu 18.11 I te otiga o te faitega o te Faletapu ne te Tupu ko Solomona, tuku ei ne ia ki potu teu koloa o te Faletapu, a mea katoa kola ko oti ne fakatapu ne tena tamana ko Tavita mo te Aliki — ko siliva, aulo, mō nisi mea ake foki.
Te Pusa o te Feagaiga ko Aumai ki te Faletapu(1Tupu 8.1-9)2 2Samu 6.12-15; 1NTupu 15.25-28 Ne fakamaopoopo mai ne te Tupu ko Solomona, a takitaki katoa o matakaiga mo kaukaiga o Isalaelu, ke maopoopo atu ki Ielusalema ko te mea ke puke mai a te Pusa o te Feagaiga a te Aliki mai Siona, te Fa'kai o Tavita, o ave ki te Faletapu.
3Ne maopoopo katoa latou i te taimi o te Kaiga Fiafia o Fale Fakamalumalu.
4I te taimi ne maopoopo katoa ei a takitaki, tena ne amo aka ei ne te kau sa Levi a te Pusa o te Feagaiga,
5o ave ki te Faletapu. Ne avatu foki ne faitaulaga mo te kau sa Levi a te Faleie o te Aliki mo ana mea katoa ki loto i te Faletapu.
6Ne maopoopo a te Tupu ko Solomona mo tino Isalaelu katoa i mua o te Pusa o te Feagaiga, kae ofo atu ne latou a mamoe mo pulumakau e uke, se maua o lau i te uke.
7Tena ne avatu ne faitaulaga a te Pusa o te Feagaiga a te Aliki ki loto i te Faletapu, o tuku i loto i te Potu Tafasili i te Tapu, mai i lalo o te ava kelupi.
8A kapakau o kelupi, kola e fola, e ufi ei te Pusa mo ana amo.
9A mata o amo kona e se mafai o lavea mai i so se koga, e mafai fua o matea ne se tino manafai e tu i mua tonu eiloa o te Potu Tafasili i te Tapu. A amo konei koi tuku eiloa ke oko mai ki aso nei.
10Teu 10.5 A mea i loto i te Pusa o te Feagaiga, ko papa fatu fua eiloa kola e lua, kola ne tuku ne Mose ki loto i ei, i te Mauga o Sinai, i te taimi ne fai ei te feagaiga a te Aliki mo tino Isalaelu, i te taimi ne o'mai ei latou keatea mai Aikupito.
Ko te Mana o te Aliki11-14 1NTupu 16.34; 2NTupu 7.3; Esela 3.11; Sala 100.5; 106.1; 107.1; 118.1; 136.1; Iele 33.11 Eso 40.34,35 A faitaulaga katoa i kona, faitalia me se a te potukau ne aumai i ei ko oti katoa ne fakatapu olotou foitino. A sa Levi tata lakau — ko Asafo, Hemanu, mo Ietutunu mo tino i olotou kaukaiga, e pei katoa ki gatu lino. A te kau sa Levi e tu i tafa o te feitu ki te saegala o te fata-fai-taulaga, mo sumepalo mo kitala, kae fakatasi mo latou ko faitaulaga e lau mo te tinolua, kola e fakatagi a pu. A te kau usu pese e usu a pese, ka ko te kau fakatagitagi e fakatagi a pu, sumepalo, mo nisi mea fakatagitagi, kae ko oko eiloa i te tagi gali o leo mo mea fakatagitagi. Ko te vikiga tena a latou ki Aliki, i te pese tenei:
“Tavae atu ki te Aliki, me 'lei a ia,
ka ko tena alofa e tumau.”
I te taimi ne ulu atu ei a faitaulaga ki tua mo te Faletapu, ko te Faletapu eiloa ko fonu i te kaumana e maina i te mainaga o te fakatasi mai o te Aliki, tena la ko se mafai ei o fai te tapuakiga.
Who We AreWhat We EelieveWhat We Do
2025 by iamachristian.org,Inc All rights reserved.
