1Tenei te fekau a te Aliki ki a Ioelu, te tama a Petueli.
Ko Tagi Fanoanoa a Tino i te Fakamaseiga o Lakau Kaina2Faka'logo mai koutou tino ma'tua;
Tino katoa i Iuta, faka'logo mai.
Kai tupu eiloa se mea penei i otou aso,
Io me i aso ne ola ei otou tamana?
3Fakamatala atu te mea tenei ki otou tama'liki;
Ka toe fakamatala atu ne latou ki olotou tama'liki,
Kola ke toe fakamatala ne latou ki te sua kautama.
4Ne oko ifo a lafu sē akelise e uke ki luga i lakau kaina;
A mea kola e tiaki ne sua lafu sē akelise, e toe kai fakaoti ne sua lafu.
5Ala, tu ki luga, kae tagi,
Koutou tino ko'na;
Tagi, koutou tino inu uaina;
A fuagavine mō fai uaina fou ko oti ne fakama'sei.
6 Faka 9.8 A te tou fenua ko fakamasei valevale ne sē akelise;
Ko oko eiloa i te ma'losi kae ko se mafai o lau i te uke;
A olotou nifo ko makai'kai eiloa pela me ne nifo o se leona.
7Ko oti ne fakamasei ne latou o'tou vine,
Mo o'tou lakau ko mati.
Ko oti ne kai ne latou a pakili tua,
Tela ko 'kena faka eiloa a kaula.
8Tagi, koutou tino, e pela me se tamafine e tagi fanoanoa ki te mate o te tagata
Tela ne fai ke avaga mo ia.
9Ko seai ne saito io me ne uaina ke ofo atu i te Faletapu;
A faitaulaga ko tagi fanoanoa me ko seai ne olotou taulaga ki te Aliki.
10A fatoaga ko mate katoa;
A te laukele ko tagi fanoanoa
Me ko oti ne fakamaseigina a saito,
A fuagavine ko seai ne olotou sua,
Ka ko lakau ko olive ko mage'mage.
11Tagi, koutou tino fai fatoaga;
Koutou kola e tausi togavine, ke tagi foki,
Me i saito mo kalite,
Mo lakau kaina katoa ko oti katoa ne fakama'sei.
12A vine mo mati ko 'mage katoa;
A lakau fai fuaga katoa ko mate katoa.
A te fiafia o tino ko seai eiloa.
13A koutou faitaulaga kola e tavini i te fata-fai-taulaga,
Pei nei ki gatu lautaga kae 'tagi!
Olo ki loto i te Faletapu kae tagi i te po katoa!
Ko seai ne saito io me ne uaina ke ofo atu ki te otou Atua.
14Fai atu ne fakatonuga ke fakaliki'liki a tino;
Valo ke fai se maopoopoga!
Fakamaopoopo aka a takitaki mo tino katoa o Iuta ki loto i
Te Faletapu o te Aliki te otou Atua,
Kae 'tagi atu ki a ia.
15 Isa 13.6 A te aso o te Aliki ko pili mai;
Ko te aso tela ka aumai ei ne ia tela e Tafasili i te Malosi te malaia.
Ko oko eiloa i te fakamataku o te aso tena!
16Ko kilo atu omotou mata mo te loto vaivai ki te fakamaseiga o omotou lakau kaina.
Ko seai se fiafia i loto i te Faletapu o te 'tou Atua.
17A fuaga ko mate i te malō o te laukele.
Ko seai ne saito ke 'teu,
Tela la, a koga e teu sale i ei ko masei valevale.
18A pulumakau ko tagi fi'ta me ko seai se koga mo olotou kai'kai;
A lafu mamoe foki ko puapuagatia.
19Te Aliki, au ko tagi atu ki a koe,
Me i malae mouku mo lakau ko magemage,
E pela eiloa me ne sunu ki se afi.
20Ke oko foki eiloa ki manu vao ko tagi atu ki a koe
Me i koga suasua ko 'masa katoa.
Who We AreWhat We EelieveWhat We Do
2025 by iamachristian.org,Inc All rights reserved.
