1I te po sefulu o te sefulu o masina i te iva o tausaga o matou i te tafeaga, ne faipati mai te Aliki ki a au,
2
Tuku ke puna te vai;
Ke tunu a ivi mo kano manu.”
6Konei a muna a te Aliki Sili: “A te fa'kai o tino tatino ko malaia! Ko pela me se ulo tela e se ti mulu sale. Ne puke fakasolosolo a meafasi takitasi, ko te mea eiloa ko seai se meafasi e toe.
7E isi te tatino i te fa'kai, ka ko te toto e se maligi ki te kogā koga i luga o te laukele tela e mafai o ufi ne te pefu; ne maligi ki luga i te kaupapa.
8Ne fai ne au te toto ke maligi i kona, ke se mafai o funa, kae ke manako o taui atu te masei ki te tino tatino.”
9Konei a muna a te Aliki Sili: “A te fa'kai o tino tatino ko malaia! Ko au eiloa ka fakaputu ne au a te fafie.
10Toe aumai ne fafie! Fue atu a te afi! Tunu a meafasi! Fakapuna atu a te vai o te meafasi! Sunu atu a ivi!
11Fakatu atu nei a te ulo palasi seai ne mea i ei ki luga i malala ka, kae tuku ke kula i te vela. Tena la, ka toe ma ei te ulo i feitu fakatapuakiga, i te otiga o te koga popo ne ka ne te afi,
12e ui eiloa a mea popo katoa kona e se galo i te afi.
13Ielusalema, au faiga masei ko fakalailai ne ia koe. E ui eiloa ne taumafai au o fai a koe ke ma, kae e tumau faeloa tou lailai. Ka se toe ma eiloa koe ke oti mua ne lagona ne koe a te malosi katoatoa o toku kaitaua.
14Ko au, te Aliki Sili, tena ne faipati atu. Ko oko mai te taimi ko tau ei au o gasue. E se mafai o fakapuli ne au au agasala, io me alofa au ki a koe. Ka fakasala eiloa koe e tusa mo au mea ne fai.”Ko te Aliki Sili tena ne faipati atu.
Ko te Mate o te Avaga a te Pelofeta15A te Aliki ne faipati mai ki a au,
16ana muna, “Te tagata ola, ka fakaaoga ne au e tasi eiloa te kini, ke ave keatea ei te tino tela e alofa malosi koe ki ei. E se tau mo koe o muimui io me tagi io me fakato ou loimata.
17Ke mo a e lagona tou leo tagi. Sa vele ou laulu io me fano sale seai ne taka o fakaasi tou tagi fanoanoa. Sa pono ou mata, io me kai ki meakai kola e kai ne tino tagi fanoanoa.”
18I te tafataeao, au ne faipati mo tino. I te afiafi tena kae mate taku avaga, kae i te sua aso ne fai ei ne au a te mea ne fai mai ki a au.
19Ne fesili mai a tino ki a au penei, “Ai a e fai ei koe pena?”
20Tena ne fai atu ei au ki a latou penei, “A te Aliki ne faipati mai ki a au kae ne fai mai
21ke tuku atu ne au ki a koutou tino Isalaelu a te fekau tenei: A koutou e fakamatamata i te malosi o te Faletapu. A koutou e fia tilo ki ei, kae fia olo sale foki ki ei, kae nei ka fakalailai ne te Aliki. Ka ko tino tai foliki i otou kaiga konei e toe i Ielusalema, ka mate i te taua.
22Tena la, ko fai ei ne koutou a te mea tela ne fai ne au. Ka se pono otou mata io me kai ki meakai a tino tagi fanoanoa.
23Ka se olo sale koutou mo otou ulu e kila io me seai ne taka, ka se tagi fanoanoa foki koutou. Ka vaivai koutou ona ko otou agasala, kae ka fakatau gulu te sua tino ki te sua tino.
24Tena la, ko fai ei au pela me se fakailoga ki a koutou; ka fai ne koutou a mea katoa ne fai ne au. A te Aliki ne fai mai me kafai e tupu a te mea tena, kae ka iloa ne koutou i a ia ko te Aliki Sili.”
25Muna a te Aliki, “Nei, te tagata ola, ka ave keatea ne au mai i a latou a te Faletapu malosi tela e fakamatamata kae fiafia latou ki ei, tela e fia tilo sale latou ki ei, kae fia olo sale foki ki ei. Kae ka ave keatea foki ne au olotou tama tagata mo tama fafine.
26I te aso tela e fai ei ne au a te mea tena, kafai e isi se tino e sao i te fakamaseiga tena, ka fanatu o fakamatala atu ki a koe a te mea ne tupu.
27I te aso eiloa tena, ka toe mafai ne koe o faipati, kae ka faipati eiloa koe mo ia. I te faiga tena, e fai ei koe mo fakailoga ki tino, kae ka iloa ei ne latou i a au ko te Aliki.”
Who We AreWhat We EelieveWhat We Do
2025 by iamachristian.org,Inc All rights reserved.
