1Ko toe kamata o akoako atu a Iesu i tafa o te Namo o Kalilaia, kae ne fakapotopoto mai ki a ia te vaitino e tokouke. Ona ko te to tokouke o tino, tela, sopo ei a ia ki te poti i te Namo o nofo i ei. Ka ko tino katoa ne 'nofo mai i gauta i te tafatai.
2E uke a mea ne fai atu ne ia ki a latou i tala fakatusa. Ne fai atu foki a ia i tena akoakoga penei:
3“Fakalogo'logo mai la koutou! A te tagata toki saito ne fanatu o toki ana saito.
4I tena tokiga ne ta'tela ei nisi fuaga saito ki te auala, kae olo atu a manu lele o kai ne latou.
5Ne ta'tela foki nisi fuaga saito ki te koga pa'papa e se uke te kele i ei. Ne 'tupu vave ake i ei ona ko te se matolu o te kele i ei.
6Fanake la i ei a te la, ko velasia magemage me e seai ne aka.
7Ne ta'tela foki nisi fuaga saito ki te vao makai'kai, ko ola fakatasi ake ei te vao makai'kai, ko ola saitia i ei ka ko se fua mai.
8Kae ne ta'tela nisi fuaga saito ki te laukele 'lei, ko ola ake ko tupu 'lasi, ko kamata o 'somo mai, kae 'fua, e taki tolu sefulu a nisi, e taki ono sefulu a nisi, e taki selau a nisi.”
9Ne fai atu foki a ia ki a latou, “Faka'logo mai la manafai e isi ne otou taliga!”
Ko te Uiga o Tala Fakatusa(Mata 13.10-17; Luka 8.9-10)10I te taimi ne nofo tokotasi ei a Iesu, ne o'mai ki a ia a nisi tino kola ko oti ne fakalogo'logo ki a ia, fakatasi mo te tino agafulu mo te tokolua soko, kae ne fesili mai ki a ia ke fakamatala atu a tala fakatusa.
11Ne tali atu a Iesu ki a latou, “Ko oti ne maua ne koutou a te mea 'funa o te Malo o te Atua, ka ko nisi tino ake e i tua o te Malo o te Atua, e lagona fua ne latou a mea e uiga i tala fakatusa.
12Tela la,
‘E tiga eiloa me e 'kilo olotou mata kae se lavea ne latou.
E faka'logo foki olotou taliga kae se malamalama i ei.
I te mea ma 'fuli mai ei latou ki te Atua,
Ko fakamagalo ei latou ne ia. ”’
Ko Fakamatala ne Iesu a te Tala Fakatusa o te Tino Toki Saito(Mata 13.18-23; Luka 8.11-15)13Ne fai atu foki a Iesu ki a latou: “E a, e se malamalama koutou i te tala fakatusa tenei? Kae malamalama la koutou pefea i so se tala fakatusa?
14A te tagata 'toki saito, e toki ne ia a te Muna a te Atua.
15I nisi taimi, a te muna a te Atua e to i te alatu. A tino kona ne faka'logo ki ei, kae i te lagonaga ne latou, vau ei Satani o ave keatea te muna tela ne toki i olotou loto.
16Ka ko nisi tino e pela mo fuaga saito ne 'to i te koga pa'papa. I te taimi ne lagona ei ne latou te muna, talia ei ne latou mo te fiafia.
17Ka ko te mea e seki puke mau latou ki te muna, tela la, ko se tumau ei ia latou. Kafai la e oko mai puapuaga mo sauaga ona ko te muna, ko tiaki ei ne latou.
18A nisi tino foki e pela mo fuaga saito ne 'to i va o lakau makai'kai. Ko latou kona ne faka'logo ki te muna,
19ka ko te manavase ki mea o te olaga nei mo te fia'fia ki koloa mo te kaimanako ki nisi mea, ko 'fonu olotou olaga i vaega manatu pena, tela ko ola saitia ei te muna ka ko se fua mai.
20Ka ko nisi tino e pela mo fuaga saito ne toki i te laukele ola 'lei, ko latou kona e faka'logo ki te muna ko talia ne latou mo te loto fiafia, kae ne fua mai ki taki tolusefulu nisi, e taki onosefulu nisi, kae taki selau a nisi.”
Ko te Moli i Lalo o te Tanoa(Luka 8.16-18)21 Mata 5.15; Luka 11.33 Koi fano eiloa te faipatiga a Iesu: “Kai isi eiloa se tino kai aumai ne ia te moli ki loto, kae tuku ne ia mai lalo o te tanoa io me ko lalo o te moega? E a, e se tuku ne ia ki luga i te tuga moli?
22Mata 10.26; Luka 12.2 So se mea e 'funa ka fakaasi mai, so se mea e ufiufi, ka sae mai.
23Faka'logo mai manafai e isi ne otou taliga!”
24 Mata 7.2; Luka 6.38 Ne toe fai atu foki ki a latou: “Faka'logo faka'lei ki mea e lagona ne koutou! A te tulafono tela e fakaaoga ne koutou o fakamasino ei nisi, e toe fakaaoga ne te Atua o fakamasino ei koutou, kae ka fakasala masei koutou.
25Mata 13.12; 25.29; Luka 19.26 A te tino e isi ne ana mea ka toe fakaopoopo ana mea ke uke; ka ko te tino e seai ne ana mea, ka ave keatea ana mo mea kola e nofo mo ia.”
Ko te Tala Fakatusa ki te Fuaga ko Ola Ake26Ne fai atu foki ne Iesu a te tala fakatusa tenei: “A te Malo o te Atua e fakatusa ki te tino e toki ne ia fuaga lakau i tena manafa.
27Ne moe i te po, ne ala i te ao, kae matea ake ei ne ia a fuaga ko 'somo ake kae ola ake foki. Kae e se iloa ne ia a te taimi ne ola ake ei.
28Ko te laukele ne fai ne ia ke ola fuaga ke 'fua mai: a te mea muamua e tupu ko te foitino, pito atu ko te moe, kae fakamuli ko 'fua mai ei.
29Ioelu 3.13 Kafai ko ma'tua a saito, ko kamata a te tino toki saito o 'kati te saito, me ko oko mai te taimi tonu e 'tau ei o 'kati.”
Ko te Tala Fakatusa ki te Fuaga o te Sinapi(Mata 13.31-32,34; Luka 13.18-19)30Ne fesili atu a Iesu, “Se a te mea ka fakatusa ki ei ne tatou a te Malo o te Atua? Se a te tala fakatusa ka fakamatala ei ne tatou?
31E pau mo te fuaga o te sinapi, ko te fuaga pito foliki i te lalolagi. Ne puke ki ei se tino o toki i te laukele;
32ne ola kae fai mo lakau e pito sili i te lasi i lakau katoa. Ne tupu ake foki i ei a kaula 'lasi, kola ko fai ei a ofaga o manu lele i tona malumaluga.”
33Ne folafola atu ne Iesu tena talaiga ki tino, kae ne fakaaoga ne ia nisi tala fakatusa pena, ne fai ne ia a tala e uke ki te mea e mafai o malamalama latou ki ei.
34E fakaaoga faeloa ne ia a tala fakatusa mafai e akoako atu ki tino, kae kafai ko 'nofo ake eiloa a ia mo ona soko, ko fakamatala likiliki ei ne ia a mea katoa ki a latou.
Ko Fakamalū ne Iesu te Afā(Mata 8.23-27; Luka 8.22-25)35I te afiafi eiloa o te aso tena, ne fai atu a Iesu ki ona soko, “Tou olo ki te sua feitu o te namo.”
36Tiaki ei ne latou te vaitino; kae 'sopo ona soko ki luga i te poti, ka ko Iesu ko leva ne toka i luga i te poti, olo ei latou. E isi foki nisi poti i kona.
37Ne agi te afā kae 'fati mo galu ki loto i te poti, toeitiiti kae fonu te poti i vai.
38A Iesu ne nofo i te taumuli, e to tena moe i ei. Ne fagu atu a ona soko ki a ia, kae fai mai penei, “Te Faiakoga, a koe na e se manatu mai ki a matou ka 'mate?”
39Tu ake ei a Iesu kae fakatonu atu penei: “Te matagi, malu!” Ne fakatonu foki penei ki te tai, “Malu!” Ne mate te matagi kae toka foki mo te tai.
40Ne fai atu a Iesu ki a latou, “Ai a e ma'taku ei koutou? E a, e seki fakatuanaki eiloa koutou?”
41Ka ko pole'pole latou i te ma'taku, fai ake olotou pati penei, “Ko oi a te tagata tenei, i te matagi mo peau e fakalogo ki a ia?”
Who We AreWhat We EelieveWhat We Do
2025 by iamachristian.org,Inc All rights reserved.
