1 KOLINITO Fakatomuaga - Tuvalu Revised Bible
Fakatomuaga Te Tusi Muamua a Paulo ki tino Kolinito ne tusi mo agai atu ki fakalavelave o te olaga faka-Kelisiano mo te fakatuanaki tela ko ola ake i loto o te Ekalesia tela ne fakatu ne Paulo i Kolinito. I te vāitau tena, a Kolinito se fa'kai takutakua o Eleni, i feitu tau atiakega o te maumea, kae ko ia foki ko te laumua o te itumalo o Loma tela ko Akaia. E taua te fa'kai tenei i tena tulaga faka pisinisi, i ana tu mo aganu kola e faka matamata ki ei, mo te lasi o uiga fapaupau kola e salalau mo talitonuga kesekese.A pogai taua ne fakasaga ki ei te apositolo, ko fakalavelave pela mo mavaevaega mo uiga se 'tau i loto i te Ekalesia, mo fesili ki tulaga faka tau avaga mo te fakaipoipoga, mo lagona faka te mafaufau, tulaga i loto o Ekalesia, meaalofa mai te Agaga Tapu, mo te toetu. Mai te lauefa o tena kiloga, ne fakaasi atu ei ne ia a te auala ne mafai ne te Tala 'Lei o tali atu ki fesili konei.A te mataupu e 13, e fakasi mai ei me i te alofa ko te toe meaalofa taua loa a te Atua mo ana tino, kae kaati ko te toe mataupu lasi kae lau iloa i loto o te tusi.Ko Fakasologa o MataupuFakatomuaga (1.1-9)Mavaevaega i loto o te Ekalesia (1.10—4.21)Uiga faka tauavaga mo te olaga o te kaiga (5.1—7.40)Kelisiano mo tino fāpaupau (8.1—11.1)Olaga o te Ekalesia mo tapuakiga (11.2—14.40)Toetu o Keliso pela foki tino talitonu (15.1-58)Meaalofa mo Kelisiano i Iutaia (16.1-4)Vaega o mea totino mo te fakaotiga (16.5-24)
