SALAMO 101 - Tuvalu Revised Bible

Ko te Tautoga a te Tupu

1Te Aliki, e usu atu ne au taku pese ki a koe,

Ko te pese e uiga ki te fakamaoni mo te amiotonu.

2A taku amio e seai eiloa se 'se i ei.

E vau afea koe ki a au?

Ka ola au i se olaga 'ma i loto i toku fale,

3Kae ka se mafai lele o talia ne au te masei.

Au e takalialia i faifaiga a tino kola e olo keatea mai te Atua;

Kae e seai saku mea e fai mo latou.

4E fakamaoni au,

E se mafai ne au o talia se tino amio fakamatamata kae fakamaualuga.

5Ka ave keatea ne au so se tino tela e musumusu

A muna se lei e uiga ki se isi tino;

Ka se fakasao ne au se tagata

E amio fiasili kae fakamatamata.

6Au e fiafia ki tino kola e fakamaoni ki te Atua,

Kae ka talia ne au latou ke 'nofo i toku fale.

A latou kola e fakamaoni katoatoa,

Ka talia ne au ke tavini mai ki a au.

7E seai se tino loi e nofo i toku palesi;

E seai foki se tino amio fakaloiloi e nofo mai i oku mua.

8Ka fakamalaia ne au i aso takitasi,

A tino amio ma'sei katoa i luga i te tou fenua;

Ka afuli ne au keatea tino amio masei katoa mai te fa'kai o te Aliki.