SALAMO 75 - Tuvalu Revised Bible

A te Atua ko te Famasino

1Te Atua, e fakafetai atu matou ki a koe,

E fakafetai atu matou ki a koe!

E folafola atu ne matou tou 'malu,

Kae taku atu foki ne matou a mea fakaofoofogia ne fai ne koe.

2Muna a te Atua, “Ko oti ne fakamoe ne au te taimi mō te fakamasinoga,”

“Kae ka fai taku fakamasinoga mo te amiotonu.

3E ui eiloa e pole'pole mea ola katoa,

Kae galulu te lalolagi,

Kae ka fakatumau eiloa ne au ona fakavae.

4Au e fai atu ki tino fakamatamata ke sa fiasili;

5Au e fai atu ki a latou ke gata te olotou faipati fakamatamata.”

6A te fakamasinoga se vau mai te saega'la io me ko te toga'la,

io me mai matu me ko saute;

7Ko te Atua ko ia te famasino,

E fakasala ne ia nisi tino kae fakasao nisi tino.

8E puke ne te Aliki a te ipu i tena lima,

E fonu eiloa ki luga i te uaina malosi o tena kaitaua.

Ne ligi ne ia ki lalo;

Kae ne inu ne tino amio ma'sei ke oko eiloa ki te toe 'motiga.

9Kae ka se mafai o gata toku faipati e uiga ki te Atua o Iakopo.

Mo toku usu pese tavae ki a ia.

10Ka fakamasei ne ia te malosi o tino amio ma'sei,

Kae ka fakaopoopo a te malosi o tino amiotonu.