2 NOFOAIGA TUPU 20 - Tuvalu Revised Bible

Ko te Taua mo Etoma

1I se taimi fakamuli ifo, ne o'mai a kautau a Moapi mo Amoni, fakatasi mo te kau Meuno, te taugasoa o latou, o taua ki Iuta.

2E isi ne avefekau ne o'mai ki te Tupu ko Iosefatu, kae fai atu ki a ia penei: “E isi se kautau lasi mai i Etoma ne vau mai i te sua feitu o te Tai Mate o taua ki a koutou. Ko oti ne fakatakavale ne latou te fa'kai ko Hasasona Tamala.”Ko te sua igoa tena o Eneketi.

3Ne mataku Iosefatu, tena ne talo atu ei a ia ki te Aliki mo se fesoasoani. Ne fai tena fakatonuga ke fakalikiliki a tino o te fenua.

4Ne olo fakavave atu a tino katoa mai i fa'kai o Iuta ki Ielusalema, o kalaga ki te Aliki mo se fesoasoani,

5tena ne maopoopo ei latou mo tino Ielusalema i te koga fono fou o te Faletapu. Ne fanatu te Tupu ko Iosefatu o tu I olotou mua,

6kae talo i te leo maluga, ana muna, “Te Aliki te Atua o omotou tupuga, a koe e nofo i te lagi kae pule ne koe a malo katoa o te lalolagi. A koe e malosi kae mana, kae e seai se tino e mafai ne ia o teke koe.

7 me se famai, me se oge — tela la, ko o'mai ei latou o tu i mua o te Faletapu tenei, te koga e tapuaki atu ei a tino ki a koe. E mafai o talo atu latou ki a koe manafai e maua latou ne fakalavelave, kae ka lagona ne koe ko fakasao ei latou.

10 o tavae te Aliki e pela eiloa mo tena mea ne fai mō latou. Tena te mea e fakaigoa ei te vanu tena ko “Pelaka.”

27Ne taki atu ne Iosefatu tena kautau ki Ielusalema mo te manumalo, me ko oti ne fakatakavale ne te Aliki olotou fili.

28I te okoatuga a latou ki te fa'kai, ne olo atu latou ki te Faletapu, mo leo o kitala mo pu e takitaki ei te lotou solo.

29A malo katoa kola ne logo i te fakatakavalega ne te Aliki a fili o Isalaelu, ko oko eiloa i te mataku.

30Ne pule Iosefatu mo te filemu, kae ne aumai eiloa ne te Aliki te filemu i ona feitu katoa.

Ko te Gataga o te Nofoaiga a Iosefatu(1Tupu 22.41-50)

31A Iosefatu ne fai mo tupu o Iuta, ka ko tolusefulu lima ei tausaga o tena olaga. Ne pule a ia i Ielusalema i tausaga e luasefulu lima. A tena matua, ko Asupa, te tama fafine a Sili.

32A Iosefatu ne fai eiloa ne ia a te mea tonu i mua o te Aliki, e pela eiloa mo tena tamana ko Asa;

33ka ko koga tapuaki fapaupau e seki ofa. A tino e seki mafuli mo olotou loto katoa, o tapuaki atu ki te Atua o olotou tupuga.

34A nisi tala o mea ne fai ne Iosefatu, mai i te kamataga o tena nofoaiga ke oko ki te fakaotiga, e fakamau i te tusi ko Te Tala Tukufakasolo o Ieu, te Tama Tagata a Hanani, se vaega o te tusi ko Te Tala Tukufakasolo o Tupu o Isalaelu

35I te taimi e tasi, ne fai te fakataugasoa a te Tupu o Iuta ko Iosefatu, mo te Tupu o Isalaelu ko Asaia. Asaia se tagata e uke ana amioga masei ne fai.

36Ne faite o la fua‐vaka i te taulaga i Esionikepa.

37Ka ko Eliesa, te tama tagata a Totavau, mai i te fa'kai o Malesa, ne fai ki a Iosefatu penei, “A te Aliki ka ofa ne ia au mea kona ne faite, me i a koe ne fano o fakataugasoa ki a Asaia.”Tena la, ne kasa a vakamutu, seki olo eiloa ki se koga.