IOPU 4 - Tuvalu Revised Bible

Ko te Sautalaga Muamua(4.1—14.22)Elifasa

1-2Iopu, e mata e ita koe manafai e faipati atu au?

Ko se mafai ne au o taofi toku fia faipati atu.

3E tokouke tino ne akoako ne koe,

E tokouke foki tino ne fakamalosi ne koe a olotou loto.

4Kafai se tino ko pakū, ko vaivai kae fita,

Ko au muna e toe maua ei ne ia a te malosi.

5Nei, ko koe ko puapuaga, ko se maua ne koe o fakafesagai tou puapuaga me i a koe ko manavase.

6A koe e tapuaki ki te Atua, a tou olaga foki, e seai eiloa se pona i ei;

Tela la, e tau mo koe o talitonu kae fakamoemoe i a koe e toe lei eiloa.

7Toe fakasolo aka ou mafaufauga ki taimi ko teka.

Taku mai se tagata amiotonu ne maua ne puapuaga.

8Ko oti ne lavea ne au a tino fai amioga masei,

Kae toki ne latou te amio masei pela me ne fuataga;

Kae ne fua mai i ei ko te masei foki eiloa.

9Ne ta fakapalele latou ne te Atua i tena kaitaua,

Pela me ne tino ne fue ne se kautaufa.

10A tino masei ko gulu pela me ne leona,

Kae ne fakagata ne te Atua olotou gulu,

Kae fatifati foki olotou nifo.

11Ko pela latou me ne leona kola ko seai ne manu e ta ne latou mo olotou kai,

E 'mate atu latou ka ko olotou tamaliki ko salalau valevale.

12I te taimi e tasi, e isi se fekau ne oko mai ki a au i se leo foliki,

Ko oko eiloa i te foliki o te leo tela ko tai se lagona eiloa ne au.

13 Iopu 33.15 Ko se lei eiloa taku moe ne fai ne te mea tena,

Ko pela eiloa me se moemiti.

14Ne pole toku foitino kae fakamakali'lili;

A toku foitino katoa ko pole eiloa i te mataku.

15E isi se matagi foliki ne poko mai ki oku mata,

Kae ne fiti oku kili i te mataku.

16E isi se mea e lavea ne au e tu mai i te koga tela;

Ne faka'toka atu oku mata,

Kae e se lavea lei ne au me se a te mea tena.

Tena, kae lagona ei ne au a te leo penei:

17“E a, e isi se tino e mafai o taku amiotonugina i mua o te Atua,

Io me 'ma katoatoa i mua o te Atua tela ne faite ne ia a ia?

18A te Atua e se fakatuaga ki ana tavini fakatelagi

E isi foki ne mea 'se e maua ne ia i ana agelu.

19I tau fakatau, e talitonu a ia ki se manu ne faite ki one,

Ki se mea ne faite ki te pefu,

Tela e mafai fua o tuki ke palapala pela me se mogamoga?

20A te tagata e mafai o ola i te taeao, se leva kae mate,

Kae e se iloa ne tino ke oko eiloa ki te afiafi.

21A mea katoa a ia, ko ave tasi mo ia; ko mate atu a ia,

Kae e seki maua eiloa ne ia a te poto.”