IELEMIA 43 - Tuvalu Revised Bible

Ielemia ko Ave ki Aikupito

1I te otiga ne faipati atu ne au ki tino o te fenua a mea katoa kola ne fai mai ne te Aliki te olotou Atua ke fai atu ne au ki a latou,

2kae o'mai a Asalia te tama tagata a Hosaia, mo Ioananu te tama tagata a Kalia, mo nisi tagata fiasili katoa o fai mai ki a au penei, “A koe e loi. A koe e seki uga mai ne te Aliki te motou Atua ke fai mai koe ki a matou ke se olo matou o nofo i Aikupito.

3A Paluka te tama tagata a Nelia ne fakaoso ne ia a koe ki a matou, ko te mea ke pule matou ne te kau Papelonia, ke tamate ne latou a matou io me ave fakapagota matou ki Papelonia.”

4Tela la, a Ioananu mo takitaki o kautau, mo tino o te fenua, e se fia fakalogo eiloa ki te fakatonuga a te Aliki ke nofo malie i te fenua o Iuta.

5 kae ka fakatu tena nofogaaliki i luga i fatu kona ne tanu ne koe, kae ka fola ne ia a te faleie o te tupu i luga i fatu kona.

11A Nepukanesa ka vau kae ka fakatakavale ne ia a Aikupito. A tino kola ko oti ne tusia ke mate i famai e mate eiloa i famai, a tino kola ne tusia ke ave fakapagota e ave eiloa fakapagota, ka ko tino kola ne tusia ke mate i taua, e mate eiloa i taua.

12Ka fakaka ne au a faletapu o atua o Aikupito, ka ko te tupu o Papelonia ka sunu ne ia a olotou atua, kae ave ne ia. E pela mo te leoleo mamoe tela e taetae faka'ma ne ia a kutu i ana gatu, e pena foki te tupu o Papelonia me ka fulu faka'ma ne ia a te fenua o Aikupito, ko fano ei a ia mo te manumalo.

13Ka ofa fakamasei ne ia a fatu fakamanatu i Heliopolisi i Aikupito, kae sunu a faletapu o atua o Aikupito.”